بالنسبه لموضوع رفع معنويات المطلقه عندي لكم قصه ترفع المعنويات مررره

السلام عليكم ...


انا كتبت الموضوع بموضوع منفصل لاسباب

اولها / اني بصراحه مادخلت موضوع رفع المعنويات اخاف من المواضيع اللي صفحاتها كثيره

ثاني شيء / ان قصتي ترفع المعنويات وابغى المطلقات يقرونها ماتصير بين السطور تشوفها وحده او ثنتين


القصه وحده اعرفها معرفه شخصيه وقريبه مني مرره

المهم البنت تزوجت ولد وحيد امه وخواته وطبعا غاروا منها ودايم بمشاكل ومصروفهم بيد امه طلعاتهم يستأذن من امه سفراتهم يستأذن من امه حياته كلها امه ويازين هالشيء لكن بحدود وهو وامه تجاوزوها

وكل هذا شيء ودلعه عليها شيء ثاني تقول حسيت انه هو الحرمه وانا الرجال لان امه تدلعه ويبغى نفس الشيء من زوجته ويتدلع عليها

عاشت بمراره وبمشاكل وصراعات كثيره وبالاخير تطلقت واهلها يقولوا لها الحين مايتزوجك الا شايب والا معدد واذا لك حظ ارمل وطبعا تحطمت المسكينه


وبالاخير تزوجت بعد سنه بس من طلاقها من واحد من براا جماعتهم وغني وماسبق له الزواج ابد وكل سنه واجازه يسفرها دوله جديده ماشافوها ماشاء الله تبارك الرحمن ربي يزيدهم ولايضرهم ويخيلهم لبعضهم


تقول فرررق كبير عن زوجها الاول فرق السماء عن الارض


زوجها الجديد يدور افخم فيلا بين فتره والثانيه يسكنونها وافخم الفنادق بالسفرات ملابس العيد يسافر بها علشان تشتريها وووووو الله يزيدهم



وهذي القصه اللي عندي واسأل الله العظيم رب العرش الكريم ان يرزق كل مطلقه زوج يسعدها ابدآ ماعاشت