بالنفاس وحمولتي يقولون التمايم عندنا << عطوني رايكم

السلام عليكم يابنات ساعدوني بآرائكم والله اني محتاااااره مررره :44:

انا بنفاس لي 20 يوم وسميت ولدي على اسم ابو زوجي وقال انه هو اللي بيجيب الذبايح عشان العقيقه

المهم اني ببيت اهلي حاليا وزوجي دق علي امس وقالي ترى التمايم الاسبوع الجاي انا قلت خلاص على اساس انها هنا بالبيت اللي انا فيه
قال ترى بتجين بيت اهلي
قلت نعم ليش اجي
قال التمايم ببيت ابوي
قلت ليه وبيت اهلي
قال لا ببيت ابوي وانت بتجين كلها يوم واحد ولا تنامين
قلت والا بعد بنام عندهم
وقلتله اصلا مارح اطلع من بيت ابوي وانا توي بالنفاس وين عايشين اول مره اشوف وحده بنفاس وتسير على حمولتها
عصب مرره وقال الا بتجين
قلت خذو ولدكم وسوو له العزيمه اما انا مارح اطلع

المهم انه جلس يتكلم ويتحلطم وقال الا بتجين يعني بتجين وانا قفلت الموضوع قلت بآخذ راي امي واختي الكبيره
دقيت على امي < امي مطلقه وببيت اهلها وانا نفاسي ببيت ابوي يعني مو عندها :icon33:
دقيت عليها وقلت لها عن الموضوع وقالت شي عادي روحي وخليهم يجتمعون ويفكونك عشان محد يطب عليك فجأه وخصوصا ان مافي احد بالبيت الا اختي اللي اصغر مني وطول الوقت نااايمه
انا ماقتنعت بكلام امي ابد واتوقع انها تقول كذا عشان تخفف عني او شي :(
احس انها اهانه لي يابنات ليش ماقدروني ليش يطلعوني من بيت ابوي عشان تمايم وليتها باستراحه كان قلت عادي اطلع من بيت ابوي واروح بيتهم خييير ؟؟

واللي ذابحني ان زوجي يقول اذا حطيناها ببتكم الناس بيقولون انه مو ابوي اللي متمم لولدي بيقولون ابوك

بالله عليكم يابنات هذا كلام اولا الناس بيسألون من اللي ذابح وطبيعي بيقولون جده اللي هو ابو زوجي
ثانيا بالعقل اسم ولدي على اسم جده لابوه طبيعي انه هو اللي بيتمم له يعني الناس بتعرف انه هو اللي متمم له

بنات تكفووون عطوني حل وش اسوي
احس روحه لحمولتي ماقدر اروح وانا توني بالنفاس كأني طايره على هالعشا والا على هالناس
وش رايكم تكفوون قولو الصدق ؟؟
والله اني مهمومه ومحتاااره مرررره