بالون المعدة (تجربتي)

السلام عليكم ورحمة الله وبركاتة،


عزيزاتي ،
أنا من تزوجت صار لي الحين 3 سنوات، وبدون حمل وزني زاد وايد
يوم عرسي كان وزني 68 وبعد 8 شهور من زواجي صار 86 تخيلو
والأن وزني 92 وطولي 159 وقررت إني أركب بالون المعدة ، وموعدي يوم الخميس
الصباح إن شاءلله في مستشفى جاما (أسطون سابقا) بالخبر ، العمليه تكلفتها
9000 ريال سعودي، هي تخدير كامل وبعدين يركبون البالون بالمنظار وتستغرق
ربع ساعه إلى نص ساعه ويودونج غرفة خاصة لمدة 24 ساعه واذا حسيتي نفسج
صرتي اوك تقدرين تطلعين حتى لو بعد ساعتين من العمليه ، طبعاً مره متحمسه
وقالي الدكتور اول شهر راح ينزل من وزني 10 كيلو باقي الاشهر هذي على حسب
إرادتي وكيف نظام أكلي وأنا إن شاءلله بستغل البالونه عشان ينزل أكثر ، وعطاني حبوب
تقلل حموضة المعدة استخدمها كل يوم الصباح لين موعد العمليه على اساس انها تقللي
من الاشياء اللي تحصل بعد العمليه من مضاعفات وكيف المعده تتقبل البالونه ومن هالكلام
ادعوا لي ان يتمم كل شي على خير وانا ان شاءلله برجع لكم واقولكم كل شي يصير معاي ..
عشان انفعكم معاي إذا نفع معاي ان شاءلله :)