لا حول ولا قوة الا بالله...الله يرحمها ويغفر لها...بس اشلون اثر عليها وهي الماده اللي داخل البالون غير ضاره للجسم على كلام الاطباء...يمكن في سبب ثاني للوفاه او هي عندها شي الله يرحمها..

والسالفه يا اختي مو تهور لان البالون عمليه بسيطه لا تخدير ولا جراحه فاحنا مستسهلينها وهذا احنا مازلنا نبحث ونبحث لين نقتنع ثم نتوكل على الله...يقول وش حدك على المر قال اللي امر منه..

مانفعت معاي .. التحزيم اشوفه افضل .. مع ان وزني كان 86 نحفت لل80 والنزول كان بسنه !!
الله يكتب لك الخير

دامكم متحمسين وتبون تفاصيل بعلمكم سالفتي..
قبل ثلاث سنوات عملتها في مستشفى دله عند دكتور مصطفى طلبه كلفتني ١١ الف !!! والصراحه للحين مقهوووره على تهوري وغبائي من جد كنت بنحف باي طريقه بس كنت خايفه اعمل تحزيم وقلت اعمل بالون احسن ،،
كان وزني ٨٦ وتمنيت اوصل للسبعين عالاقل بس للاسف مانزل عن الثمانين ! كان النزول خلال سنه !
انا طبعا اخرتها لين كملت سنه في بطني ! كل يوم كنت ااجل !
وطبعا تعبت منها مررره .. هي عمليتها سهله نص ساعه بالكثير وانتي مخلصه بس الاستفراغ والغثيان يتم معك لاسبوع للنه جسم غريب وجسمك مو متقبله ف يبيلك وقت تتاقلمين .. وتحسين بها لما تتحرك خخخخ طبعا اول شهرين تكون مرره منفوخه بعدها تبدا تفش وتاكلين عاادي ! ماكنك سويتي شي .. طبعا غير الاكل اللي ما ينهضم وتجيك غازات وتتجشأين بكثره وتكوون ريحتها مررره بشعه !! عذرا لكم بس لازم اقول عيوبها واكون صادقه .. هالمووضوع مررره كان محرجني :(
وبعدين اذا بغيتي تطلعينها برضو بمنظار وتدفعين مبلغ وكل مره لهم سعر مره الفين مره ثلاث على حسب مزاجهم !!
ومن خلال هالتجربه ماانصح فيها .. لانك ترمين فلوسك على طل .. وطبعا رجع وزني وعليه زيادة يمكن بعد الحمل !
انا اقول اللي ودها وعندها ميزانية تعمل تحزيم وان شاءالله انا مفكره اسويه ..
تكفون ادعوا لي ربي يسهل اموري ويكتب لي الخير .. يعلم الله اني ما كتبت تجربتي الا ابيكم تستفيدون و توفرون على نفسكم .. اساسا رحت لدكتور ثانس وقال لي البالون جدا فاشل وماانصح احد فيه وعلى فكرة الدكتزر اللي سواها لي مره سمين ليه ماسوا لنفسه قبل !! اترك لكم الجواب .. الله يكتب لي ولكم الخير وينحفنا من غير شر

الله يجزاك خير عزيزتي مسك ماقصرتي والله...بس عندي سؤال لوسمحتي..وش رايك في التحزيم وليه اخترتيه هو بالذات مو عمليه ثانيه من العمليات وهل شفتي احد مسويه وتحمستي والا بس بتجربين <<<<< كل هذا سؤال واحد
وياسلام لو تكتبين تجربتك اذا سويتيه وقمتي بالسلامه..وربي طفشت من الريجيمات والتخفيف والحرمان وانواع الخلطات...
طولت عليك ربي يحقق لك امانيك..

تسلمين شجون .. ايه اعرف كم وحدة سوت تحزيم ماشاءالله كلما لهم في نزول وقلت لك تحزيم لانها مالها اضرار ان شاءالله مو مثل التكميم او تحوير واشوفها الانسب لوزني..
وان شاءالله اذا سويتها بخبرك :)
دعواتك لي