بال تقشير بالكرستال وبلا خرابيط

يا بنات انا اليوم يايبتلكم موضوع جديد وحلو اللي هو مرهم ليكوسيد لتقشير بشرة الوجه
المهم أنا كنت أعاني من وجود:
1-بقع بنية فالوجه وندوب نتيجة أثار حب الشباب
2-مسامات واسعه
3-بشرتي دهنية ولا بعد ألوانها غير متناسقة
4-اسوداد حول منطقة الفم
يعني بشرتي مستوية مهرجان من الالوان والبقع:hahaha:
المهم ما بطول عليكم رحت عند بنت عمتي وشفت ويها زي القمر صافي وموحد الالوان ولا فيه مسامات حتى البقع اللي فويها اختفت المهم استغربت قلت شو اتسوين فويهج قالتلي السر شوووووووو
جارتهم المصرية عطتها مرهم اسمه( ليكوسيد أر ) وما فيه منه فالامارات وهي كل ما تروح مصر اتجيب منه واتبيع كمية وعطت بنت عمتي مرهم واحد عشان اتجربه لمده شهر والنتيجة بشرة صافيه أنا ليش جبت لكم هالموضوع لاني أنا جربته وعن جد ويها صار صافي وبلا مسامات :) والبقع اختفت ولا السواد اللي حوالين مي راحت ولا بعد عجبني فيه انه يقلل من افراز الدهون فالوجه للي بشرتها دهنية حلو وايد بصراحه
المهم نصائح لإستخدام هذا المرهم:
1-اللي بشرتها حساسه لا تستخدمه قبل ما اتجربه ع أيدها
2-واذا احمر ويهج بعد ثلاث ايام من الاستخدام عادي لا اتخافين لانه مفعوله بدا عويهج
3-طبعا بيقشر ويهج وايد وبجف يعني لازم تستخدمين واقي شمس قبل لا تطلعين وتشربين ماي وايد
4-وتستمرين عليه لمده شهر
وشوف النتيجة عقب
صح في شي مهم بعد قريت فالورقة انه يستخدم لازالة البقع والتصبغات الجلدية