بامبرز الله لايوفقهم من شركه

السلام عليكم ورحمة الله وبركاته

بنات اكتب وانا مقهور حسبي الله ونعم الوكيل كل شي فيه غش وتلاعب
بامبرز كنت استعملها لبزراني من زمان وكانت جد اكثر من رائعه وافضلها اكثر من غيرها بس المشكله بدت من السنه اللي فاتت وكل كيس افتحه القى اقل شي حفاظتين او ثلاث شريط اللصق حقها خربان مافيه شمع يعني بالعربي ماتلزق فارميها وانا مقهوره ياربي والله غاليات ومافي عنهم غنات شي ضروري الين قالت لي وحده من قريباتي اتصلي في خدمة المستهلك تلقينها في نفس الكيس وبالفعل اتصلت ورحبت فيني الموظفه واعطتني امل وقالت لي برسلك المندوب ياخذهم اذا تبين ان التلف من الشركه عوضناك قلت اصلا واضح انه من الشركه مايبيلها وجاء المندوب واعطيناه الحفاظات التلفانه الباقي منهم وانتظر اسبوعين الاجاني اتصال منهم تقولي الموظفه بعد مافحصناها تبين ان التلف من الاستخدام قلت وهذي اخرتها الله لايوفقكم قولو امين زياده على غلاها بعد نفتح الكيس نلقى كم وحده تلفانه حرام يابنات والله حرام والحين رحنا الجمله واشترينا منهم ارخص كرتون بامبرز اوفر كذا وقسما بالله يابنات اني رميت ثنتين من الكيس اذا جيت اشدها عشان افتح الشريط اللاصق تنقطع تخيلو تنقطع كذا موقهر بنات عندنا بزارين شنسوي يارب والله حرام عليهم ربي يعطيهم على قد نيتهم يارب

يعني وش المشكله وش يحسون فيه قريبتي اللي قالت لي اتصلي فيهم تخيلوا طبعا الكلام ذا قبل اربع سنوات لان ولدها كمل الاربعه لما تصلت فيهم قدمو لها اعتذار وارسلو لها 3اكياس بامبرز تعويض والحين كلمتهم يقولون من سوء الاستخدام الظاهر اول كان عندهم ذمه والحين مافيه ذمه ولاشي الله لايوفقكم يابامبرز حسبي الله ونعم الوكيل