وطرى علي طاري بدل من الفطور العادي ليش مادلل نفسي وعيالي
واسوي شي ثاني
واذا بي واشتهيت اسوي بان كيك وبسم الله بديت
اولا طلعت علبة زبادي باقي عليها شوي وينتهي تاريخها تحسفت عليها وخليتها تسخن برا
بعدين في كاس الطاحونه خلطت 2بيض و فانيلا
وقشر ليمون شوي بس للنكهه
و2فنجال سكر وملعقة صغيره قرفه ورشة ملح
ونص كاس زيت
وعلبة الزبادي وخليتهم ينخلطون زييييييييييين بالخلاط
بعدين اظفت كاس طحين وملعة وسط بكنج بودر
حميت الصاج طبعا وبديت اصب فيه الخليط ولازم يكون متوسط يعني مو خفيف ولا ثقيل وبمجرد مايتحمر راح نقلبه
والحين بعد ما عطيناكم المقادير اخليكم مع الصور
هنا الخليط توني صبيته وبدا ينفش
وهنا بعد ماقلبته
وهنا بعد مارصيتهم بالصحن
قدمتهم مع جبن ومربى ونوتلا وكلن يحشي بالي يشتهي
