بان كيك بالقشطه ماشاء الله تبارك الله

السلام عليكم ورحمة الله وبركاته

بنات ابغى اعطيكم فكره عن البان كيك هو في الاصل كان كيكه بس انا غيرت شوي في المقادير والطريقه لانه زوجي ربي يحفظه ويهديه ليا يارب قولوا آمين يحب البان كيك ومايعجبه الجاهز اللي يجي بالكرتونه لازم يشتريه من محل مخصوص واذا مافيه بان كيك على الفطور يعني مافيه فطور قهرررررني والله المهم صلحته ونجح والحمدلله من اول مره وصارلي سنين ماغيرت طريقتي وبامانه يابنات مافي احد ذاقه الاواخذ طريقته حتى زملاء زوجي فصرت اصلح كميه كبيره وحطها بالفريزر بعد ماغلفهاكويس وحطها بعلبه محكمة الاغلاق لكن يابنات انا ماتطول عندي اكثر من اسبوعين في الفريزر لانه الاولاد الله يهديهم ويصلحهم ويصلح اولادكم يارب مثل ابوهم يحبونه
سامحوني طولت عليكم شوي لكن الطبق يستاهل والطريقه مضبوطه
بسم الله نبدأ

المقادير
1كوب طحين الكويت
3بيضات
ثلاثة ارباع كوب سكر اذا تبينها من غير شيره او نصف كوب سكر اذا بتحطي عليهاشيره
1ملعقه كبيره بكينج باودر
املعقه صغيره فانيليا
ثلث كوب زيت
اعلبه قشطه وافضل تكون قشطة بوك اللي تجي علبتها كرتون
الطريقه
اخلطي الزيت والسكر والبيض لمدة 3دقايق
بعد 3دقايق ضيفي القشطه واخلطي على سرعه عاليه
ضيفي ربع كاسة مويه فقط لاتكثري وخلطيهاكويس
ضيفي الطحين والبكينج باودر واخلطي لمدة دقيقه لاتكثري الخلط عشان لايخرج الهوا من العجينه
سخني صاجه تيفال على الفرن على نار متوسطه قريبه للهاديه شوي معليش سامحوني ماني عارفه كيف اوصلها لكم
صبي بالمعلقه حسب الحجم اللي انتي تبغيه بتلاقينها تنتفخ ويتكون على سطحها فقعات
بس تتحمر من تحت اقلبيها ع الوجه الثاني ثواني بس وارفعيها من عالنار

بنات اذا صاجتك تلزق ادهنيها بشوية زيت
والحمد لله رب العالمين وبصحه وعافيه على قلوبكم

ولاتنسوني يابنات من دعواتكم الطيبه