با با غنووووج

طريقة عمل البابا غنوووووووج سهله....... يا ام صالح
واليوم بالصدفه مسوية بابا غنوج ...وياريت صورته
المقادير:
حبتين باذنجان اسود
نص كوب طحينه
نص كوب ماء
عصير ليمونتين
زيت زيتون
سماق
ممكن ملعقة صغيرة كمون مطحون
فص ثوم مهروووووووس
مخللات مشكله زي ما تحبي
الطريقة:
في الفرن ويكون مسخن على الشوايه تحطي الباذنجان في صينية وتكوني شاقته بالسكين يعني كأنك طاعنته وتتركيه الين ما تتأكدي انه استوى وصار لين .... طيب
بعد ما يبرد تأخذي لب الباذنجان من الداخل وتحطية في زبدية وتهريه طيب بالشوكة .. خلاص
سوي الطحينه انك تخلطيها باليمون والموية والثوم وبعد كدا حطيها على الباذنجان واخلطيهم طيب مع بعض وطبعا الملح واليمون على ذوقك وان كان معاكي المقدار ثقيل بأمكانك تزيدية موية وان كا خفيف ممكن تزيدية طحينة يعني راعي انه يكون القوام متوسط لا هو بالخفيف ولا بالثقيل...
وفي صحن التقديم رشي علية سماق وممكن كمون وزينية بالمخللات وممكن بالخيار والفجل والفلفل البارد والزيتون ... ورشة زيت زيتون طبعا في الاخير ... وذوقي الطعم خياااااااال
وكلي وادعيلي انه الله يسهلي ولادتي في غربتي