نسيت مااقلك انا الماكن الي نصحتك بزيارتها بمجمع دبي مول والامارات مول وبالنسبة للسكن اتوقع اسعارهم غالية شيكي بالعرب المسافرون راح تستفيدي

شوفي الجو الان فيها حار بالنهار وربيعي بالليل واحيانا فيه شوية برد بالليل
لاني رحت لها السنة اللي فاتت بشهر صفر كان الجو حلو بالنهار وبارد شوي بالليل وكانوا العالم متسترين من البرد
انا سكنت بمنطقة شققها رخيصة اخذنا غرفة كبيرة وفيها مطبخ صغير على جنب ودورة مياه
المنطقة قريبة من سوق نايف او الديرة مو متذكرة بالضبط
رحنا القرية العالمية حلوة مرة بس ماادري اذا فاتحة الان ولا لانها تفتح بوقت المهرجان
رحنا السوق الصيني التنين غالي شوي بس اللي عجبني فيها قسم الملابس ملابس الاطفال حلوة مرة تلاقي اشياء غريبة ورائعة واسعارها وسط بس نصيحة لاتضيعي يومك بالسوق الصيني روحي بس بوابة الملابس ..
رحنا سوق نايف للعطور والدخون وقطع الجلابيات
ولاتنسين تروحون مطعم السفينة مو متذكرة اسمه بالضبط بس هي سفينة تمشي بالبحر وتتعشون فيها الشخص يمكن ب135 ريال ..

مشكورين بنات ..
ابي اسماء شقق معقولة ماتذكرون وين سكنتو لأن اغلب اللي اعرفهم يروحون شقق رخيصة على 250 بس ماابي اسألهم لأني ماقلت لأحد اني باسافر..
بالنسبة للأكواريوم وش فيه بالضبط

تروحين وترجعي بالسلامه
السكن فيه بالمنخول شقق اسمه قولدن ساندس اسكني برقم ١٠
احنا اخذنا شقه من غرفتين ودورتين مياه ومطبخ وصاله كبيره فيها صوفا تقلب سرير
وغرفه غسيل ب٦٠٠٠ ريال لمده ١٠ ايام بس بالصيف هالسعر
واخذتها عن طريق البوكنج ارخص من نفس الشقق
قريبه من برجمان يعني تروحين مشي له
ونصيحه استخدمي المترو تقريبا يغطي اغلب المراكز والمناطق السياحيه بدبي
ورخيص ارخص من التكاسي
وفيه منكقه اسمها البرشا عند مول الامارات سكنت فيها مره بس بعيده عن كل المراكز
الا اذا تبين تستخدمين المترو خذي فيها
اغلى شئ بدبي الاكل والتكاسي
البقاله اسعارهم مثل هنا مافيه فرق
مطاعم الاكل الشامي والايطالي وهالاشياء هي اللي غاليه
الفاست فود زي هنا
المراكز
عندك دبي مول هو احسن وافضل مول شئ جدا خيالي وكبير يبي لك يومين عشان تخلصينه
فيه النافوره بس تراها اغاني وموسيقى
وعندك مطعم اسمه الحلاب حلو مررره بس غويلي
فيه كمان اكبر حلبه تزلج وكدزانيا لاتفوتك اذا معك اطفال بس يبي لها يوم كامل
مول الامارات حلو بس متعب وعيبه مافيه ولا كرسي يعني تعبتي ادخلي الكافيهات او المطاعم
فيه سكاي دبي وعادي. تدخلينها بعبايتك ونقابك بس تلبسين بالطو وجزمه خاصه
ابن بطوطه الحلو فيه انه مقسم لعدة دول يعني ديكوراته حلو غير كذا مافيه شئ يستاهل
مردف ستي سنتر بطريق المطار حليو مو مره
لايفوتك طبعا السوق الصيني كل شئ يخطر على بالك فيه
كمان الاوت لت حلو وتلاقين فيه قطع اذا انتي تحبين الماركات
وفيه محل بالاوت لت ومردف مره مره مره رخيص فيه كل شئ من الملعقه للفستان
اشتريت منه شورتات لبنتي وبرمودات على ٢٠ درهم بس والله خامتهم ممتازه جنز والله ينافس الماركات
واخذت منه بجامات لبناتي ولي وشباشب بيت وجاكيتات على ٤٥ درهم وملابس داخليه على ١٢ درهم بس والله غسيل ولبس
بشوف لك اسمه وارسله لك بس ذكريني بالخاص لاني انسى :)

الان فيه القريه العالميه روحي لها حلوه جدا
ومدهش مافيه الحين تفتح بس بالصيف
و الان فيه مهرجان بيكون الجو حلو بالمراكز كله بتكون عروض
وفيه مول اسمه فيستفال روحي له بس لا تشترين من الكوشكات اللي بالوسط لانه كله تلاقيه بالسوق الصيني
وتلاقي فيه كوشك يبيع سيراميك وفير جوسي ايبر اذا تبين خذي منه
روحي الشندغه هذي قريه تراثيه انا رحت لها بالصيف وكان كل شئ مسكر بس تفتح بالشتاء

واي شئ تبينه انا حاظره ارسلي ع الخاص
وسفره سعيده يارب

بالاخير احنا رحنا لكل المولات بس ما انبسطنا بغير دبي مول والامارات مول

 

موقع البوكنج مالقيت إلا شي ب400 وطالع