السلام عليكم
اول شيء تصدقي من مهرك عشان ربي يطرح فيه البركة..واي شيء عندك لجسمك والا شعرك والا بشرتك ابدئي فيه من اللحين و عليك بالدعاء دائما وابدا..

شوفي حاولي يكون جهازك متكامل كل فستان له مستلزماته من مجوهرات وشنطة وجزمة ..مو لازم تشترين لكل فستان جزمة مثلا لا حاولي تشوفين ايش اللون المشترك بينهم وتشرينه

اول شيء الذهب لازم يكون لك طقم وساعه وخواتم ليوم الزواج..طبعا انتي شوفي امكاناتك ووش تقدرين عليه وحطي ببالك بيجيك هدايا بس ممكن ماييكونو على ذوقك..فيه طريقه انك تشترين طقم من مهرك ويكون مثلا اصفر وتخلين الطقم الابيض هديه من الوالده او خواتك وانتي تختارينه وبكذا تضمنين انهم على ذوقك...وممكن تجمعين الهدايا اللي تجيك فلوس وتشرين بهم ساعه والا طقم ولو احد شاورك لا تستحين قولي وش تبين..
خلي جهازك منوع ولا يصير كثير مره لانو الموضة تتغير وماتضمنين جسمك مايتغير وممكن تحملين...

بالنسبة لفساتين السهره اذا كنتوا من النوع اللي يصير عندهم مناسبات كثيره وعزايم للعروس كثيره كثري الملابس اما اذا عزايم شويه فلا تكثرين يعني 2 فخمات مره و3 ناعمات ..

ملابس الطلعات والزيارات الرسمية اذا كنتي بتسكنين بنفس البلد الي فيه اهلك وحمولتك كثري منها اما اذا بتسكنين ببلد ثاني لا تكثرين مره لانك ماراح تلبسينها كلها ولو بغيتوا تروحون لهم تقدرين تشترين لك شيء جديد...

ملابس البيت نوعي فيها ولا تكثرين منها لحد ماتعرفين ذوق زوجك يعني اشتري كل شيء من بناطيل وبرمودات وبديات مشكله في موديلاتها والوانها وفساتين بيت وتنانيروشورتات يعني مثلا خوذي من كل شيء قطعتين واللي يعجب زوجك ركزي عليه لانه فيه رجال يفضلون التنانير وبعضهم البناطيل وهكذا..وانصحك بالمحلات اللي ماتكون غاليه مثل الهرم ومبارك وسناء وفيه بعد جنيفر حلو ..

قمصان النوم بعد لا تكثرين خوذي لك مثلا 2 قطعتين وساتر و2 طوال قطعه واحده و2 قصار مع المستلزمات حقاتها ..

الجزم والشنط شوفي الالوان المشتركة واشتريها مثلا فضي او ذهبي او اسود او ميتاليك وهكذا اوفر لك ..والاحزمة بعد تراها حلوة..

المكياج والعناية بالبشره خليهم اخر شيء..

العطور والبخور ممكن تخليهم هدايا اذا احد شاورك وعلى حسب استخدامك للعطور اذا انتي من الناس اللي يخلصون العطر بشهر فكثري عطورك واذا لا لا تكثرين ونوعي شي للسهرة وشيء للنهار..

لا تنسين العباية والطرحه والنقاب..عباتين اتوقع تكفي واحده رسميه والثانيه للطلعات العادية والسوق

كمان يبي لك مفرش وطقم مناشف والاحسن يكونوا متناسقين

الاستشوار والامشاط واكسسوارات الشعر وشرشف وسجاده للصلاة

فيه اشياء بسيطه مثل البنادول والفوط ا لصحيه ومشابك الملابس وخيط وابره ولزق جروح ومسحات طبيه والمناديل الصغيرة وفرشاة الاسنان والمعجون

شوفي ياقلبي خلي طلعات السوق مرتبه مثلا طلعه للسهرات وطلعه للملابس العادية ..الخ
اكتبي كل شيء بورقه واللي تخلصي منه اشطبيه واكتبي كم كلفك ..

من اللحين شيلي مبلغ لمستلزمات يوم الزواج وسوي بروفات للمكياج كل ماسمحت لك الفرصه...

الله يوفقك ويسهل عليك

وممكن تعلمينا انتي من وين بالضبط عشان ندلك

ياحييييييييييياتي

وربي حاسه فيك انا مثلك تماما

طبعا اول شئ سويته يكون المهر في حساب بنكي بحيث اني اشتري بالبطاقه علشان ماتضيع الفلوس مع الصرف ..

رحت ستي ماكس وشريت حق البيت وطقوم الكلوتات والحمالات والبجايم وفستان بيت نعوم ..

عموما خليك مثلي ..

رتبي افكارك حتى لو بتروحين من غير جدول

لو انتي مرتبه افكارك ماراح تتعبين مثلا انا شريت حق البيت من ستي ماكس طبعا ناقص تنانير بيت قصيره وناقص بنطلون واحد اسود وفساتين للبيت هذولا حطيتهم ببالي علشان مثلا ماروح اشتري برمودا لأني خلاص قضيت منها عرفتي ..

رتبي افكارك اهم شئ

ابدئي بلبس البيت واللانجري

وكل مسلتزماتهم من شباشب وانتي بكرامه لين الشغلات الثانيه ..

واهم اهم شئ القناااااااعه

وصدقيني يكون جهازك شئ قليل وذوق ومرتب

احسن من انه يكون كثير وكله خلاقين

الذهب طبعا رجعي له فلوسه أخر شئ لانه مرتفع الحييين

والله ييسر امرك وامري وكل البنات اللي يجهزون

:)

اووووووول شيء ابدي با الفساااااااااتين .. لانها تاخذ وقت با التفكير با الموديل وبعدين شراء القماش وبعدين التفصيل .. وعليها يترتب لون الجزم والشنط ..

نصيحتى ابدى بقمصان النوم والداخلى لانها ماتتغير ابد خلى لك نزله للسوق خاااااصه بهالشي وبتخلصيها باذن الله في يومين

بعدين لبس الخروج والعزايم العاديه مو الزواجات لا العزايم عالعشا والغدا وكده

اشترى مجموعه مع جزمهم وشنطهم

لاتشترى شنط وجزم لحالها اشترى اطقم وحاولى تخليها بعد ماتخلصي من اللبس عشان تطقمى اسهلك

لبس البيت خذي لك يومين مثلا تلفي بس على لبس بيت

فساتين السهره اذا ماعندكم عروس قريب خدى اثنين احتياط بس خديها ناعمه والوان حياديه يعنى اسود مثلا عشان لاتروح موضته

العطور والمكياج خليها قبل العرس بشهر مثلا ومن محل واحد خدى كل اللي تبيه مره وحده

السيشوار والفير ولفافات الشعر ومكواه السيراميك لفرد الشعر مره وحده ومن محل واحد

انتى لو تقولى انتى حتجهزى من فين نقدر نساعدك اكثر