ببراءة الطفولة : ليش ربي ما يحقق أمنياتي !!

الله يحفظه لك ذكاء واضح حاولي تجاوبي على جميع اسئلة باجوبة مقنعه له ..

ويحفظ لك كل غاااااااااااالي يا رب ..
ما شاء الله عليك .. حللتي شخصيته صح :) ..

أنا بس لو ازعله أو ما أعطيه شي يبيه يقول : الله ود أمي النار هي كفار لا توديها الجنة :) ..
المشكلة إني أرد عليه برد أكبر من عمره .. ويمطرني بعدها بالاسئلة ..
فقلت أسأل خواتي شقول له لمـا يقول لي ربي ما يحبني لإنه ما يحقق أمنياتي :) .

حبيبتي طفلك ماشاء الله ذكي ويقول هالكلام عشان تنفذين طلباته وكلامه عن تحقيق الاحلام وربي ما يحبني يبي يسمعك واذا قالك مره ثانيه ربي ما يحبني قولي له ربي يحبنا كلنا بس ربي مايعطي الانسان اللي قاعد ومايشتغل زي بابا يروح الشغل ويتعب ويجيب اللي يبيه يعني استغلي الموقف وخليه يعرف معنى العمل وانا مو كل شي يجي بالساهل عشان مايصير اناني اذا كبر ولاتقولين توه صغير عيالنا الحين ماشاء الله عليهم هم جيل الفضائيات يعرفون اشياء يمكن احنا مانعرفها وحاولي اذا طلب شي ان يساعدك باي شي بسيط عشان ياخذ اللي يبيه مثل يرتب العابه او يساعدك في المطبخ وان شاء الله تلقين نتيجه حلوه صدقيني عن تجربه

حياك يا أم البواسل :) ..
الله يحفظ لك عيالك ..
ويرزقك ببنوته تملأ حياتك بهجة :) ..

الله يجزيك خير أختي .. حصلتي لي مدخل معاه .. وفكرة حلوه إنه يشاركني في المطبخ :cook:
عاد لي أمس نفس السؤال والله وما عرفت شقوله ..
سألت وحده قريبتي قالت لي ..
قول له .. إذا ربي ما عطاك اللي تبيه الحيــن .. بيخليه لك في الجنة :) .. لين تروح هناك بتاخذه .
أشكرك وما قصرتي

شوفي إذا مثلا قال
عن الريموت...قولي إذا أخذناه للمصلح وصلحه هذا معناه الله حقق طلبك
مثلا إذا تمنى يحصل شئ...قولي إذا رحنا مكان وشفته وبابا وافق إنك تاخذه...هذا معناه إن الله حقق طلبك