ببرك يامنى عمري اله الكون اوصاني

السلام
قررت اغير ديكور البيت ورحت عند مصممة سويت تصميم وكنت بروح شركة ثانية بس زوجي وقفني واخذه عند اخوه وانا ماكنت ابغى اروح عنده لانه يكرهني بمرة عشان مشكلة مع ولد زوجي يقول حق زوجي والله اصكها كفين اذا اسمع انها تزعج ابنك وتسوي مشاكل ووصل كلام لي مع حرمته السلوقية وزوجي ساكت يقول اخوي هذا حيوان يوم يعصب مايشوف قدامه خلينا منه بس انا سكتت وحطيت عالجرح ملح بس ما انساها له الحقير والله حاطة بنفسي لو لمحته بالشارع غير اتفل بوجهه واقوله تتمرجل على حرمة ماعليك عتب اذا ذيك امك لي ماتخاف الله
انا حاولت بعدين يقولي تخيلي اخوي عنده مؤسسة وانا اروح عند غيره يزعل والله يزعل بس زوجي يحسبها ليه يدفع فلوس ٥٠ الف لاا يخلي الفلوس عنده ويطلع روح اخوه حتى يسدد لانه زوجي باله طويل وانا مابغى كذا لاني ما احب اتعامل معهم
المهم راح واخوه خذ التصميم وجاب عماله يشتغلون بالبيت كل يوم
انا انزل مع زوجي يوم يرجع ونشوف شغلهم كل يوم زوجي يدخل وانا اوقف برا بدون مايشوفوني
اليوم راح وقف مع واحد ماخذ وضعية وجهه لورا مايلفه طول وقته شغال يركب صبغ بعدين رجع عندي يقولي هذاك كان يبكي
شفت العامل صغير بالعمر يمكنه عمره مايتجاوز ٢٢ شكله مصري او سوري من هالجنسيات
قلت ليه يبكي
قالي لا ابد بس امه كانت مريضة وماتت بشهر ٣ وكان كورونا ماقدر ينزل يشوفها ولا يودعها وهو يشتغل تذكرها وصار يبكي
الصراحة كسر خاطري كثير الله يكون مع الناس لي يفقدون امهاتهم وصرت ابكي وانزعجت كثير للحين اي والله
انا لي زعلني انه متغرب عشان لقمة عيشه وفوقها نار بقلبه امه ماتت وهو بعيد عنها يمكن كانت بحاجته او مشتاقة له قبل ماتموت وهو بيقعد عمره ندمان انه مالحق يشوفها ولا يودعها الله يجبر قلوب الناس
انا ما تخيل حياتي بدون امي لازم ابر فيها كل يوم واواصلها الام ماياخذ مكانها احد بالدنيا وفراقها اصعب فراق
الله يطول بعمر امهاتنا جميع ويرحم لي سبقونا لديار الحق