بتتزوجين؟ عروسة جديدة ؟معاملة زوجك مو عاجبتك تعالي هنا

تبين الطريق لحياة زوجية سعيدة؟
تبين الحل لجميع مشاكلك مع زوجك؟

إليك ثلاث خطوات بسيطة:
1-اللي ماتحب نفسها وتقدر نفسها أو حتى ماتدلع نفسها وتهتم بنفسها مافيه أحد بالدنيا راح يهتم فيها ويعطيها قيمة
اهتمي بنفسك واعرفي قيمتك ومميزاتك وانك انسانة تستحق كل التقدير والإحترام قبل لا تطلبين من زوجك يحبك ويقدرك ويحترمك.برضو إذا عندك أطفال احترميهم وقدريهم وعامليهم بهدوء وحب عشان تحصلين على نفس المعاملة من زوجك


2-لو كنت أجمل نساء العالم وكرف ونظافة بيت ولا أشطر فلبينية وتطبخين وتتفننين ولا أحسن شيف فرنسي وقلبك قلب طفل وثقافة ورقي وعلم وحكمة ومخك يوزن بلد وكل اللي حواليك يحبونك فهالأشياء كلها ماتهم زوجك ولا تزيد من قدرك عنده شعرةلكن طبعاً مهمة لك شخصياً
إيش اللي يبيه والشي الضروري والمهم عنده؟؟؟؟؟؟؟؟
-نظرتك له وإنك تشوفينه أحسن وأروع رجل وأفضل زوج وأب بالعالم
-الشعور اللي يحس فيه بقربك، كثرة النكد والإنتقادات تقلل من قيمتك عنده حتى لو كنت محقة
3-علاقتك بزوجك أهم من أي شيء ثاني لأنك إذا بنيتي علاقة جيدة معه راح تعيشين مستقرة وسعيدة طول العمر إن شاء الله
فبلاش تتوقفين أمام أشياء تافهة وتخربينها
ليش ترفض إني أروح زواج أخت صديقتي
ليش أختك تقول لي كذا وكذا وش قصدها
أهلك مايحبوني
لازم نسافر هالصيف بالغصب
كبري مخك شوي


ولما تبنين علاقة جيدة مع زوجك
ساعتها راح تكون طلباتك أوامر
بس يبي لها صبر وضبط نفس وكمية كبيرة من الحب
والدعاء