المهاد 4 قليل خصووصا للي تولد قيصري بولدي الاول ولدت وانا ماخلصت اغراض البيبي لاني انشغلت بالجامعه وماجلست 3 ايام الالبسه مخلص لاني قيصري فاضطرت امي تروح تشتري له وبعدين تخلص بقيه اغراضي 
خذووا اشياء حلووة ومعقوله زي سنتر عندة اشياء حلووة وقت التخفيض السعر حلوو كمان 
خذوا كذا لبس استقبال وفخم 2او3 اقل شئ مولبس واحد تكرفينه 
مقاس النيووبورن ابعدوا عنه اسبووع وهو خلاص مايجي ولوجاء يضايق الطفل
اخذالين 6 شهوور 

انا عن نفسي اخد الفلاين الداخلية من الهرم الي تجي مخرمة رووووعة بصراحة والبربتوزات من مذر كير وقت التخيض ال3 ب90 يعني الواحد ب30 مرة سعره مناسب وماركة ويجلس بس بربتوزات سنتر بوينت مرة ما تعجبني بجايمهم حلوة
وكوفلة الضيوف تكون مميزة اما اللبس الداخلي من مذر كير ولا ريد تاغ على الاق 3 محترمة اما في البيت بعد الضيوف يخرجو البسو بجايم من الهرم او اي شي ماتفرق اما الارواب الي تجي مفتوحة من تحت مرة ما اقتنعت فيها لا في ولدي ولا في بنتي الجاية ان شا الله
ما احب الطفل يكون مكشف
اغلب مقاضيا من عمر 0 ل3 ومن عمر 3 ل6 اما النيو بورن والايرلي كم قطعة فقط

انا اشوف انه حسب وضعك المادي اذا عندي ليش ماالبسه واكشخه
ومو معقوله تكون ظروفي على قد حالي واحط كل فلوسي فكم قطعه واموت من الجوع لاخر الشهر للاسف دا حال كتير من البنات يضغطو على رجالهم مع انهم ادرى بحالهم كلو عشان المظاهر الكذابه

انا عن نفسي افضل الماركات الغاليه لانو الخامه تكون ممتازه شي مرتب وجوده بس مااشتريها غير فتخفيضات
وبكذا اكون شريت الشي الممتاز وبسعر حلو نفس اللي تدفعينه فشبرا والهرم
الهرم زمان كان يجيب بضاعه ممتازه وجوده صراحه بس الان بضاعته ماهي قد كدا

وانا معك بعدد القطع لانو فبنتي شريت ملابس ماتتخيلي قد ايش من اول ماعرفت اني حامل وانا اتشرى وليتها لبست نصها اغلبها ماتلبس فبكذا اخدت درس ماانساه صراحه وشوفيني الحين بسادس ولسى ماقضيت انتظر التخفيضات هههههههههه

والله بولدي ماخليت شي بخاطري الا شريته ... وفعلااا ملابس الاربعين محد يشوفها والطفل دايم بمهاده ... ان شاء الله بمولودي الله يجيبه بالسلامه بشتري له كثير من الهرم علشان مو كل شوي اغسل وبعد مااطلع من الاربعين برميهم 😝 وبشتري طقمين او ثلاثه كشخات علشان اذا طلعته للضيوف ... عاد لو صار اللي في بطني بنت بيتغير كلامي بدلعها دلع 😂😂😂❤️

السموحه الارواب المفتوحه ما حسيت انها عمليه. جربت شريتها لعيالي احس الهواء يدخل فيهم .. خصوصا ان عيالي مايطيقون شي اسمه مهاد يصرخو ويبكون لين يفلتو منه مايبونه ابد مدري ليش .

الثياب الكشخه سواء ماركه او لا , نخليها وقت الجلوس والمشي والزيارات , حتى وقت الحبي السروال يروح فيها فاتحسف اخذ غالي والاقيها بعد فترة محكوكه بمنطقة الركب . :(

والبجايم للمواليد اخذ اللي ماتكون مسكرة رجوله من تحت البسه شراب عشان ياخذ راحته لو كانت البجامه صغيرة شوي عليه ماتضايقه من هالمنطقه .. واهم شي تكون قطنيه مريحه الى عمر سنه ما اخذ لهم جنز او اقمشه ثقيله بالصيف .

بالنسبه لي ما آخذ الملابس الغاليه والماركات الا وقت تخفيض او الثوب من النوع اللي يكرف , لكن ما احب اشتريها كثير لان الطفل طفل .. يوصخ ويخرب ويحوس ويحتاج شي مريح وعملي وسهل التنظيف واخذ بجايم اكبر من مقاسه شوي حتى تنفعني لفترة اطول .

ولازم وقت النوم اغير لهم بجايم لها كم طويل لان المكيف مهما كانت حرارته يضرهم وهم مساكين ماعندهم مناعه .

موضوعك رائع ومفيد , لكن اعتقد الوحده ماراح تتعلم ايش اللي يناسب طفلها الا لمن تجرب بنفسها .

الله يعافيك ويجزاك خير .