السلام عليكم ورحمة الله وبركاته
بنات اعذروني اذا الموضوع تكرر ولكن لاني حبيت افيد البنات عن طريقه تخلي الغرفه تستجيب للروايح الحلوه هههه
بالاول ابخر واتعب افتش عن احسن الانواع للبخور وكل اللي يقلوا عنه البنات اروح اشتريه واتفاجا انه ما هو اللي اتمناه.النتيجه ضياع وقت وفلوس .
و كنت كثير ابحث عن تجارب وبنات كثير ما شاء الله ردوا وحطوا وتجارب والاغلب يحط اسماء معينه لاحلى البخور ومعطرات الجو وغيره بس صار ما فيني شده اروح اجرب او اشتري وانا مكدسه كوم قبله
وصار شعاري جود بالموجود
استخدمت هالطريقه وحسيت انها سهله وريحتني والحمد لله
أدري طولت عليكم
المهم :
1-بخري الغرفه بالبخور اللي حبيتيه او نقول بالبخور اللي حسيتيه قريب من ذوقك لان الحين بصراحه ما تحصلي شي ما يصدع الراس الا ما ندر.
2- اجيب العطور اللي اهدوني اياها وما حبيتها او اللي شريتها واكتشفت انها تجيب صدعة راس :) بس ارش طبعا بدون لا اكسر او اخلط اهم شي ارش من كل عطر شوي (أكره الخلطات )
معلومه : في عطور اذا رشيتها بجسمك تتفاعل وتحسي انه كروب ، وفيه عطور كثير مركزه في الجسم والملابس بس اذا رشيتيهم في الجو تتوزع بحكم ان جزيئات الهواء متباعده وتنتشر بسرعه في مساحات اكبر
واذا حبيتي ترشي معاهم ملطف جو هم بعد زين انا استخدم ملطفات اجمل (وكل وحده اللي يريحها )
سكري الغرفه وحطي العطر يبرد ويتوزع براحته في الغرفه وعشان لا يصير لك كتمه خصوصا اذا صرتي كريمه :icon19:
هذي الطريقه كثير بنات يعتمدوها وجابت نتيجه............الحين بعد ما تبرد الغرفه وتريحي فيها وتستناسي تخيلي مثلا بخرتيها العصر او الظهر وبغيتي تبخري بالليل هذا اللي ما انصح فيه لان بنات عن جد البخور تعتبر في النهايه دخان وخصوصا اللي عندها اطفال .
بصراحه ابخر مره وحده باليوم مع ان محاضر في مجال الصحه قال حتى مره تعتبر مضره للصحه .
عشان كذا الاوقات الثانيه تكون الغرفه ريحتها حلوه بس يبغي لها رش شويه عطر وباذن الله بمرور الوقت تحصلي الغرفه تثبت فيها الريحه مع مرور الايام وحتى لو قطعتي عنها البخور يوم او يومين ما تشمي الا كل شي طيب
نصيحه :
بخري باللي موجود ......حرام نرمي فلوسنا هنا وهنا والنتيجه غالبا تكون وحده .....لان اهم شي في البخور هو كيفيه تثبيته
بخري في جو بارد ............لان البروده تخلي الهواء ثقيل والنتيجه ان الريحه تنكتم في الغرفه وقرب الاثاث احسن من الحر اللي يخلي الهواء خفيف ويطير بسرعه .
رشي عطور .....لانها تساعد كثير في ترطيب الهواء بحكم انها سائل مضغوط والنتيجه تخلي البخور يثبت
استخدمي اي نوع من العطور .... لان تفاعل العطر مع الجسم مو مثل تفاعله مع الهواء يصير اخف ............يعني لا تخافي ترشي عطور قويه
اخيرا : احلى بخور حبيته وكل اللي شمه حبه هو بخور معطر ملكي من عبدالصمد ولانه غالي استخدمه فقط للملابس والبيت اي بخور وحتى بخورات الحرمين تنفع لا تركضي وراء الغالي .
اتمنى اني افدتكم زي ما استفدت منكم واعذروني على الاطاله
عقد_الياسمين @aakd_alyasmyn_1
محررة فضية
يلزم عليك تسجيل الدخول أولًا لكتابة تعليق.
عهد 20
•
انا والله أعاني دايم ابخررررر ابخررررر وشريت الغالي والرخيص ولاثبت اذا عندكم حل فيدونا
الصفحة الأخيرة