السلام عليكم ورحمة الله وبركاته
كل عام وانتم جميعا بخير اخواتي الحبيبات ويجعلها ايام مباركة عليكم
النهاردة حنعمل جاتو وبطريقة سهلة واوفر وان شاء الله يعجبكم
حنعمل كيك اسفنجي :6بيض-كوب سكر-كوب وربع دقيق -ملعقة صغيرة بكنج بودر-فانيليا
نضرب البيض ونضيف الفانيليا والسكر تدريجي لحد لما يعلي ويعمل المنقار ثم نضيف الدقيق والبكنج بودر ونقلب يدوي مش بالمضرب من فوق لتحت لحد لما يندمجوا ونصبه في صينية مفروشة ورق زبدة وندخلها فرن متسخن من قبل علي 180 درجة لمدة حوالي نص ساعةاو لحد لما تستوي نسيبها تبرد ونقلبها علي وشها علشان الضهر بيبقي متساوي ونفتحها راقين او 3 راقات وندهنها كريمة مخفوقة او كريم شانتيه
ندهن الكريمة بين الراقات وعلي الوش وحنجيب قطاعة بسكويت بالشكل اللي يعجبك
حنجيب ملعقة الايس كريم ونملاها بالكريمة ونحط بولة الكريمة علي الجزء اللي قطعناه
نسخن نص كوب كريمة لباني لحد الغليان ونطفي النار ونضيف كوب شيكولاتة مبشورة ونقلبهم بسرعه لحد لما تبقي سايلة
نحط قطع الجاتوه علي شبكة سلك تحتها ورقة فويل (حقولكم ليه في الخطوات الجاية )
نصب الشيكولاتة السايلة علي قطع الجاتوه
https://d2s63a22uzwg40.cloudfront.net/1/0/8/2/5/4/0/500268fd0c8f5.jpg
استنوني لسة باقي للموضوع
يسلمووو ياعسل
ممكن طريقة الكريمه البيضاء حقت الكيك