اسعد الله أوقاتكم بكل خير
مساء الورد والجوري علي احلي بنات
باستا فلورا
كيك رائع جداً وطعمه مختلف عن الكيك العادي وغير كده شكله ظريف
مقاديرة بسيطه
3 حبه بيض+ فانيلا
1/2 كوب زيت
كوب سكر
3 كوب دقيق
م ك ب ب
برش برتقاله ( اختياري) بس انا بحب احطه ف اي كيك بيدي طعم حلو وبيقضي علي ريحة البيض
مربي فراوله او مشمش
الطريقه:
نخفق البيض والسكر مع بعض لغايه مايفتح لونه
ثم نضيف الزيت
ثم الدقيق مع ب ب وبرش البرتقال
وبيكون الخليط تقيل عن الكيك العادي
ثم يصب 3/4 الخليط ف صينيه مدهونه ونخلي الربع الباقي للوجه
ونبل ايدينا بنقطة زيت عشان تعرفي تفردي الخليط بسهوله
وكمان عشان مش يلزق ف ايدك
ثم نضع المربي
انا بحطها علي نار هاديه دقيقه عشان تسيح وتكون سهلة الفرد
وكمان. عشان متنزلش ف قاع العجين
ودا السر البسيط فيها
تابعوا معي باقي الموضوع
رجاءً عدم الرد حتي يكتمل الموضوع
ثم نضع شوية دقيق لباقي الخليط ونعجنه لغايه مانحس انها ممكن تقدري تفرديها وتشكليها
ثم نفردها بالنشابه وتقطع شرايح طوليه رفيعه
ثم تفرد ع الوجه خط بالعرض
ثم نرص تاني. فوقهم بس بشكل مائل
ثم ندخلها الفرن ع الرف الاوسط
ودي النتيجه
لذيذ جداً
هش وخفيف
وفيه نسبة قرمشه
أتمني تجربوه
أكيد هايعجبكوا
في رعاية الله وامنه
والحمد لله الذي أطعمنا وسقانا وكفانا فكم ممن لا كافي له ولا مأوي