@fo0o$hy @fo0ohy
عضوة فعالة
&بتروحين لمدرسة بنتك تتشكين تعالي ادخلي &
تقول احدى الامهات في أحد المجالس انا ما أسكت على أي معلمة تأ ذي بنتي ولو بكلمة احنا ماجبناهم عشان يربونهم احنا جبناهم يعلمونهم وبس ..... كل يوم وأنا عند مديرتها أشتكي وياويلها اللي تغلط على بنتي أروح أشرشحها ....مثل هذه الام التي تنتصر لابنتها وتستعرض قوتها أمام ابنتها ....الى أي حد تهز صورةالمعلمة والمعلم في أذهان أبناءها مثل هذه الأم ترسل رسالة لعقلية ابنتها لاتحترمي معلمتك خذي راحتك اغلطي على كيفك واستهتري واحنا نصدق كل ما تقولين ونفزع لك وقت ما تبين هذه الرسالة للأسف أصبحت هي السائدة الان اصبحت الأم تصدق كل ما تقوله ابنتها وهذا ما يسمى الانجراف العاطفي مع الابناء ونلاحظ أن هذه الظاهرة عند الامهات أكثر من الأباء وفي المدارس الخاصة أكثر من الحكومية والبنت في عمر المراهقة قاصر لا تقول الحقيقة كاملة تخفي دائما مايدينها ولاتعترف باخطائها أو تقصيرها وتستدر العواطف وتجد من يصدقها ويتفاعل معها وهذا سبب فشل التعليم عندنا فمهما طورنا في المناهج وطورنا في المباني فهناك معول هدم في داخل كل منزل للاسف وهي الام وليس كل الأمهات ولكن أصبحوا أغلبية كل أم منهم نيتها طيبة وهي حماية أبناءها ولكن طريقتها خطأ يجب أن تكون الأم ذكية واعية متبصرة وليست مندفعة وتعالج شكوى ابنتها بحكمة وتلتمس الأعذار لمعلمتها الأم اللي تربي خمسة أبناء يجي لها وقت تعصب وتنرفز وهم خمسة فما بالك بثلاثين طالبة أو أربعين ... احدى الامهات تقول ان بنتي تشتكي من معلمة العلوم وتقول انها كل يوم تحقق معنا في الدرس السابق وتضيع الحصة في الاسئلة وانها وقفتني وسألتني وقلت لها ابله انت ما لخصت الدرس لنا قالت لها المعلمة انت طفلة عشان الخص لك وانها وانها وووشوية مبالغات وبهارات لابد منها وهذه طبيعة عمرهم ..........تقول بعد شهر ذهبت للمدرسة في مجلس الأمهات وقابلت معلمتها وقلت لها اشفيك يا أبله فلانة وراك تغيرت على بنياتنا يقولون انك أول تمدحينهم والحين تغيرت عليهم عسى ما ضيقوا صدرك تراهم والله متأثرين ومايدرون وشلون يرضونك ... وعلى طول اجتمعت المعلمة بالبنيات وقالت لهم وش المشكلة وش اللي مضايقكم صارحوني انا ضايقتكم في شئ ..وصارحوها وصارحتهم وانتهى الموقف حلت المشكلة بطريقة راقية وبدون تسفيه للمعلمه امام ابنتها أو ليش مالها حق المفروض والمفروض .... قارنوا بين الموقفين طولت عليكم اختم بطرفه :
79
7K
يلزم عليك تسجيل الدخول أولًا لكتابة تعليق.
@fo0o$hy
•
معليش انا عليمية نت ماادري وشلون اكتب الموضوع اذا كان طويل الطرفه الواقعيه :انه احدى الامهات كانوا بناتها طالبات وكانت دايما تذم المعلمات ..... هالمعلمات فيهم وفيهم ويشاءالله ويتخرجون باتها ويتوظفون معلمات صارت تقول هالطالبات فيهم وفيهم الله يهديهم
@fo0o$hy
•
من المهم أن نسمع لابنائنا عندما يشتكون ولكن الأهم هو ردة فعلنا هل نحن من النوع الذي يتعامل مع شكواهم بتبصر وحكمة ام من النوع الانفعالي الذي يصدق كل مايقولون ونبدأ بتوزيع التهم والاندفاع العاطفي معهم بدون ان نحلل الموقف لهم ونرشدهم الى التصرف السليم
الصفحة الأخيرة