ففعلا اختي كلامك صحيح واتمنى ان اولياء الامور ينتبهو لهانقطه لانها فعلا مهما جدا في سلوك الابناء وتربيتهم التربيه الصحيحه القويمه

انا بصراحه مع الاخت عاطفيه
الواحد مايقدر يعمم على ان الغلط كله من البنات
انا بصراحه كنت طالبه هاديه ومالي صوت وكانت مدرسه لو احك عيني تقول لي ياللي هنا >>> عيني تعورني طيب
احس كانت مستقصدتني وكنت استحي ماابي احد يعلق على من المدرسات عشان كذا اجلس مؤدبه طوال الفصل .....

والشي الثاني كانت تناظرنا بفوقيه رغم انها تدرس تاريخ يعني مااخذت علم الذره عشان كل هذا والى الان وانا اكرهها ولا افكر اسامحها ...

الحين احس اني تندمت على اني كنت هاديه ولا ارد على المعلمات اللي تهزئ بسبب وبدون سبب ..


خواتي الان بالمدارس والى الان يشتكون من اسلوب بعض اقول بعض حطو عليها 500 خط

يقولون تنافخ دايم ومو متعاونه معنا ،، الى الابتدائي صار عندهم فوبا معلمات ياويلها اللى ماتجيب الدفتر وتلقين البنت من يوم تروح للبيت والدفتر خايفه تنساه بسبب الوعيد >>> كلنا ننسى وصار النسيان جريمه يعاقب عليها
وبعدين هذولا اطفال اذا تربو على الخوف اول حياتهم كيف يعيشون ؟؟؟؟

اما المدارس الاهليه كثييييييير من الاهل مايدخلون بناتهم الا عشان مايبون احد يهزئهم يعني تبين تلعب وتنجح وتصير نتيجتها ممتاز بعد يعني عادي لانهم هم اللي اختارو الاهليه .......


شكرا على الموضوع اللي فجر قريحتي وطلع حرتي
موفقه .....

لمقارنة الأم في الماضي الامية ولايجوز تسميتها الجاهلة لأن فيه امهات مايفكون الخط وربوا بناتهم احسن تربية ... تذكروا يوم كنا طالبات ماكنا نحب المعلمات نتضايق من كثرة الواجبات والقرارات الادارية والتعسف احيانا وهو لمصلحتنا وكنا مظدهدين فعلا لكننا لا نجد في البيت من يتحمس مع شكاوينا ويهول الامور ويهز صورة المعلمة والمعلم في نظرنا ويدفعنا للاستهتار وعدم الاحترام لذلك تحملنا واجتهدنا وابدعنا ولم نكن متذمرين كما هو الحال الان.. في احدى المدارس تقول المديرة ان أكثر طالبة متعبتني ومكسرة انظمة الادارة ومخربة الطالبات كانت امها موجهة ..وتقول دايما للطالبات امي تقول :ماهو من حقها المديرة تسوي كذا ومايحق للمعلمة تقولكم كذا وتراها مابيدها شئ بس تهدد لاتخافون منها وعلى هالحال تقول لم ارتاح حتى انتقلت هذه الطالبة من مدرستي ... هذا الرد بيكون الاخير لأنه لاداعي لكثرة الجدل ولأني مسافرة أيضا وارجو أن تجد كلماتي صداها في قلوبكم وما أريد الا الاصلاح مااستطعت وسامـــــــــــــــــــــــحوني وحللــــــــــــــــــــــــــــــــــــــــــــــــــــوني

^^

ايوا كلامك اختي صح وجزاك الله خير ،،،،، بس والله ثم والله في معلمات مايخافون الله في البنات اللى يدرسونهم بلاخص المراحل الابتدائية ياحياتي البنات واولاد صغار في هذي المرحلة ،،،، لاوم كمان تكون المعلمة قدوة صحيح وتخاف الله في تعاملها مع الطالبات ومكان المعلمين ... وسلامتكم