بترون جاكيت ليوسف

http://mima2005.multiply.com/photos/photo/3/42
شوفي دا لقيته عندي بس ماأعرف من فين جبته

اسهل جاكت للسن ده هو الجاكت المبدوء من اعلى لسهوله لبسه وخلعه
انا نفذته قبل كده وطريقته سهلة
فى الرابط ده

http://forum.hawaaworld.com/showthread.php?t=724731#Scene_1

اشتغلى عادى كما فى الشرح لغايه سطر حردة الباط او الكم
وطبعا الجزء السفلى اعمليه بغرزة تناسب الاولاد
مثلا سطر عواميد وسطر علامة اكس
او 3عمود وسلسلة و عمود وسلسلة لاخر السطر
والسطر التالى تككرى فوق كل عمود عمود وفوق السلسلة سلسلة


وده الشرح للجزء العلوى الذى يناسب اى مقاس

طريقة الجاكت
لا نلتزم بباترون معين او غرزة معينة لان مقاسات الاطفال بتختلف عن بعضها وكمان انت ممكن تشتغلى الجزء العلوى بغرز مثل
الحشو
العماويد
عمود امامى وعمود خلفى
( انا اشتغلته عماويد فقط )
إذا احنا سوف نتبع الطريقة فقط ولابد ان تحددى من الاول غرز العمل التى تناسبك لعمل الجزءالسفلى ولوكان لها تقسيمة معينة تحدديها يعنى كلاستر او صدفة او اناناسة
البداية
علشان نعمل مقاس مظبوط اعملى سلسلة وقيسيها على عنق الطفلة الى ان تحصلى على سلسلة تناسب عنقها
عدى السلسلة وزيدى او انقصى العدد بحيث انه يكون يقبل القسمة على الرقم 6 اى كان عدد الغرز ومنها 4غرز للاركان و غرزتين لاول عمود( التقسيمة دى تنفع لاى مقاس كبار او صغار او بيبى )
سوف اشرح لك بعدد سلسلة افتراضى وليكن 42 غرزة اى ناتج القسمة هو 7
كيف نشتغل ؟؟؟؟؟؟؟؟؟؟
نبد أبعمل عمود فى الغرزة التالتة من جهة الابرة ونعمل 5 عمود فى ال5 سلسلة التالية ( كده حصلنا على 7 اعمدة وتمثل الجهة الامامية للجاكت )
ثم نعمل 3 عمود فى غرزة السلسة التالية وبكده حصلنا على اول ركنة للكتف )
ثم نشتغل 7 عمود ثم الركنة التانية 3 عمود فى غرزة
كده عملنا نصف الامام وحددنا مكان الكم الاول
نشتغل 14 عمود وتمثل الظهر ( الخلف ) ثم 3 عمود فى غرزة وذلك لعمل ركنة الكم التانى ثم 7 عمود ثم 3 عمود فى غرزة لعمل الركنة التانية للكم
ثم اخر 7 غرز وهنشتغل 7 عمودفيهم لعمل النصف المامى التانى
كده احنا حددنا شكل الجاكت
بداية من السطر التالى حتكررى العمل كما يلى :
2سلسلى لبداية السطر
عمود فى كل عمود
كل ما تصلى لغرزة المنتصف فى اى ركنة تشتغلى فيها 3 عمود
تستمرى فى العمل حتى تصلى به الى الطول المناسب ولابد ان يكون هذا الطول الى تحت ابط البنت
هنا لازم تكونى محددة باترون الغرزة اللى انت عاوزة تكملى بيها باقى الجاكت ( انا كنت عاملة غرزة تشبه غرزة الصدفة ) وكمان تحددى وسع الجاكت من عند نهايته وتقيسيه بالمازورة ( المتر ) فى بعض الغرز بتبقى محتاجة تقسيمة معينه زى غرزة الاناناسة مثلا او الصدفة فلازم تكونى محددة عدد الغرز اللى انتى عاوزاها للشغل من الاول علشان نتجنب الفك
وتقيسى الشغل اللى انتى اشتغلتيه بدون المسافات اللى بين الاركان
بمعنى انك تقيسى الامام الايمن + الخلف + الامام الايسر فقط
وتشوفى الفرق كام سنتيمتر ( مع مراعاة عدد الغرز اللازمة لبداية الجزءالسفلى ) ولنقل ان وسع الذيل اللى انتى عاوزاه 45 سنتيمتر والشغل عبارة عن الامامين فقط والضهر 30 سنتيمتر
يبقى الفرق 15 سنتيمتر
شوفى ال15 سنتيمتر تعمل كام سلسلة وكمان انت لازمك كام غرزة فى الاساس وخدى نصفهم ثم نبدأ الاتى :
عمل فتحات الذراعين كما يلى
نشتغل بداية السطر عادى
2 سلسلةللعمود الاول ثم عمود فى كل عمود
خلصنا الجزء الامامى ووصلنا لغرز المنتصف فى الركنة
نشتغل سلسلة ( نصف العدد اللى حددناه ) ثم نشبكها فى غرزة المنتصف للركنة التالية
ثم نشتغل الضهر عمود فى كل عمود الى ان نصل لغرزة المنتصف فى الركنة التالتة نعمل سلسلة بالنصف التانى اللى حددناه ونشبكها فى غرزة المنتصف للركنة الاخيرة
ثم عمود فى كل عمود لاخر السطر
كده انتى خلصت الجزء العلوى للجاكت
وللاطمئنان تقيسى الجزء ده للبنت لو فتحات الذراع مريحة نكمل لو مش مريحة او واسعة قوى نعدل المقاس وعدد الغرز
السطر التالى لتحديد فتحة الذراعين نبدأ منه عمل الغرزة المحددة سابقا حتى نصل للطول المناسب للجاكت
ثم بغرزة الحشو اشتغلى حول العمل كله (الذيل بالفتحة الامامية ثم الرقبة ثم الفتحة الامامية للجهة الاخرى

لعمل الكمام

اشبكى الخيط من تحت الابط واشتغلى سطر حشو بعدد الغرز اللى تناسب تقسيمة غرزة الباترون السفلى للجاكت
ثم ابداى بعملها الى ان تنتهى من طول الكم المناسب
انتهى

تسلم ايدك حبيبتي

ميرسى ياجماعه ربنا يخاليكوا بس ممكن أسال هو التريكو أسهل والكروشيه فى عمل الجاكيت وياريت لو فى بترون تريكو كمان بالعربى أنا أسفه لازعاجكم

شكرا