macha3er @macha3er
عضوة جديدة
بتزوج عليك وبسافر كل عطله للخارج بكل بروووود :(
بناااااااااات تعبت خلااااااااص ما اقدر افكر ولا اعرف وش اسوي
زوجي يقولي بسااافر كل عطله خارج المملكه مع اخوياي وبتزوج بعد تبين تصبرين علي اهلا وسهلا ماتبين بكيفك ..
انا انتظر العطله بفارغ الصبر ابي اسافر ابي اغير جو حنا ساكنين عند اهله بمنطقه ماتقارن باللي كنت ساكنه فيها عند اهلي احس بطفش وملل بالحياه عندهم لو كان يعاملني كويس كان اهون بس لامعامله ولا مكان زين
هو مايمشي الا نادر بالاسبوعين الثلاث مره وخميس وجمعه يقول ماتحددين يوم اربعا وخميس وجمعه لي انتي وسط الاسبوع يعني دوامات وتمشيه نص كم والباقي مايفكر الا بنفسه وحتى يوم جت العطله الكبيره يبي يسافر لحاله للخارج ( الشام سوريا او الاردن) حسبي الله ونعم الوكيل قلت له طيب بسافر معك مو راضي يقول بتونس مع اخوياي اخذ راحتي
امه =خالتي تشجعه تقول خليه يروح يتفرج وينبسط بدل ما تنصحه
لاحول ولاقوه الا بالله
هو يبي يوديني عند اهلي من بداية العطله حتى يخلى له الجو ويطول هناك ومايحس بالذنب بس مارضيت اروح لهلي وقلت ابي اسافر معك .. وماخرب علاقتنا الا اني تركتك 4 شهور اخر مره عند اهلي وهو غصب عني امه حرشته يقعدني 4 شهور لانها تكرهني وتبي تخرب علاقتنا وهي اللي شجعته على الزواج
وهو بكل شي يفضل اهله علي
تعبت نفسيا وش اسوي لو انتم بمكاني وش تسوون
امي تقول افضحيه عند الناس انه راعي سفر
خالتي اللي هي امه حنا ساكنين عندهم وكل ماجيتهم ماعندهم الا انا بس يبون يقهروني سوريا هناك عند الاشارات بالمراقص يلبسون كلوت وستيان يبون يغرون الشباب وتضحك
الواحد اا هو موظف ويقدر ليه مايتزوج على زوجته ودايم يغثوني بالكلام كل مارحت
قسم بالله صبرت عليهم وعلى ولدهم صبر لو ووزع على اهل مدينه لكفاهم
بس وش نهاية هالصبر يعني انا بحرم نفسي من اهلي علشان مايتعود على السفر ومايطول وهو ولاهامه بقعد طول العطله اقابل المغثه اهله
بردو قلبي تكفون وش اسوي احيانا افكر بالطلاق والفكه منه ومن اهله واحيانا اقول اسكن بشقه عند اهلي هو يسدد ايجارها ويتزوج بمنطقته الله على الظالم وانا اقعد عند اهلي زوجه بالاسم وهذا خيار صعب بس يفكني من اهله الغثه
والله محتاره كل الحلول صعبه جدا جدا
شورو علي تكفون وانا كتبت موضوع قبل هذا اللي تطلع عليه بتعرف اكثر نوعيته الامباليه والعديمة الاحساس
26
2K
يلزم عليك تسجيل الدخول أولًا لكتابة تعليق.
ادعى ربى فى سجودك انه يسخر لك واستغفرى ربى دايم واقرى فى بيتك البقرة عشان ماتقعد الشياطين اللى يوسوا لزوجك والله يعينك
الصفحة الأخيرة
بس انااا اقول لو مو مرتاحه عند اهله خليه يحطلك شقه جنب اهلك
وارتاحي واكسبي صحتك والله يآخذ حقك منه