خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ موتني ضحك الموضوع ذكرتوني بموقف برجع اقوله لكم ان شاء الله

لا ماحد بيجرحك بالردود انا عندي ماشاء الله ثلاث اولاد الصغير عمره سنه ونص والكبير خمس سنوات ونص بس الله يصلحهم كان الكبير اقول الف على طول يسمع الكلام ويعرف اني معصبه وان بطبيعتي عصبيه على الاولاد الاشقياء واحرق نفسي منهم ونفس الكلام مع الاخت سوسو والله وحده زارتني زوجها منصبه كبير يعني راتب زوجها ثلاثين الف في الشهر تخيلو زارتني واحرق نفس في الترتيب والتنظيف ولما جت جابت اولادها معها ثلاثه زي اولادي الصغير عمره يمكن ثلاث سنوات والكبير عمره ثمان والله انهم سو بيتي ملعب لهم وهاتيك ياتدمير انا انجنيت لا وولدي تطبع معاهم ولعب وفيه تحفه على شكل كوره جلسو يلعبون فيها على انها كوره امهم ابرد من الثلج بس انا وراهم واشيلها عليهم ويبكي ولدها الصغير سوالنا فوضه يبغاها جلست ارقع الموقف بعدين قالت بالفم المليان المفروض الناس ماتزين بيتها ماله داعي اذا فيه عيال وتدرين اذا ماعندك عيال الناس عندها عيال قلت بالعكس البيت يبغاله كماليات والا واش ابغى بجدران بس رفعت ضغطي وزي ماقلتلكم شكلي في ذيك الزياره احرجتها بالكلام بعدين زارتني بس ماجابت عيالها وكررتها ثلاث مرات بس بدونهم وانا نفس الطريقه اذا بروح زياره رسميه مستحيل اخذ عيالي حتى الصغير يوديهم ابوهم اي حديقه او العاب حتى تنتي زيارتي واحاول ماطول عشان مايمل منهم وعند اهلي واهل زوجي مليانه بيوتهم تحف بس صار اولادي الوضع عندهم عادي مايفكرو في الاشياء ذي بس قررت اني في بيتي الجديد باذن الله ملك اسوي غرفة العاب واحط فيها كل الالعاب ويكون فيها دورة المياه الله يكرمكم واذا جاتني وحده وعندها عيال ملاقيف اغريهم بالغرفه ذي واقفل عليهم لين تمشي وافك الحصار عليهم واش رايكم هههههههههههه

موضوع بالصميم ..............منقهره من البرود
الاطفال يحوسون ....طبيعتهم
الام كنها جدار ما تتحرك ...ودي اتوطى في بطنها بلاها ما تعبت
لا تجلس لاخر قطره و لو مو زوجها يستناها كان باتت
مشكووووور و ما قصرتي

ولا تشكيلي ابكيلك على قولة القايل

حبيبتي قفلي ابواب الغرف اللي ماتحتاجينها وقفلي المطبخ بالمفاتيح
وخلي لهم غرفة فقط للعب او الصاله اذا عندك صالة
او طفي الانوار في الغرف اللي ماتحتاجينها
وبكذا تكونين ارتحتي

على العموم انتي صـــــــادقة وانا عندي بنت **** يحفظها ابدا مااخرجها معاية عند حريم اخليها عند الوالدة **** يحفظها وبيني وبينك مااحب وحدة تجيني باطفالها انا اصلا كرهت اروح لناس يجووون باطفالهم حتى همل لين شاافوني ازورهم بدوووون بنتي صاررروا يجون لوحدهم