مرحبا بنات
طبعا انا شفت من السناعه مايحتااااااج وهذا اللي حمسني ودفعني للأمام
انا بسافر ان شاء الله لأهلي تقريبا 15 يوم تخيلو زوجي وحيدا في المنزل 15 يوم :06: <<<ترا مو حزينه عليه حزينه على المنزل خخخخخ
زوجي اتكالي درجه ثانيه ((ممكن يساعد مايقصر بس بعد محاضره
يجي من الدوام يبدل ملابسه وبدلته صعب عليه يعلقها
يصحى من النوم يطلع يصلي يلبس الثوب يرمي بجامته على السرير اذا قلت له اذا مونظيفه على سله الغسيل اذا نظيفه سفطها ورجعها الدولاب يقول لا اسهل عشان اذا جيت انام البسها :icon33:
مايحب يشوف كوب مويه على المكتب بس هو يشرب عصير ويتركه عاااااااادي
طبعا دقييييييق على الترتيب والنظافه بس تعود على الدلع من بيت اهله وعلى طول عندهم شغاله وخالتي ام ووجي معودتهم مايشيلون صحن ولا حتى منديل
واحنا زوجاتهم اللي نرووح فيييييها
المهم انا كل مره اسافر وارجع وانا شايله هم الحووووووسه اول ماتزوجت وبعد فتره سافرت لأهلي ورجعت البيت مرتتتتتتتب وااااااو قلت ماشاء الله علييييه بس لما دخلت غرفه الطعام ياااااه على الصدمه لقيته مكركب كل شي كان حايس في البيت في هالغرفه ومسكر الباب جلست 5 ايام ارتب فيها
والمرات اللي بعدها صار البيت كله حوسه ((طبعا راح البرستيج))
يااه اذكر خالي لما تسافر زوجته وانا كنت صغيره اجلس اتفرج عليه وهو ينظف البيت ويغسل الحمام وانتم بكرامه بكلوركس اقوله خالو ليييش يقولي عشان خاله بتجي بكره تشوف البيت نظييف
المره الي راحت الحمدلله علمته كيف يشغل غساله الملابس
ويغسل ملابسه بس طلع يغسل ويجمع الكوي :hahaha:
طبعا قد ماتعطين نصايح يقول حاضر ابشري لاتشيلين هم بس ترجعين تلاقين حوسه ولا غبار لأنه مستحيل يكنس ولا يمسح ولا على الاقل يغسل الحمام
فكرت وقررت وطلعت بنتيجه فتااااكه
انا رحلتي بعد بكره ان شاء الله وبقولكم ايش سويت وان شاء الله بكره انزل لكم الصور ولو ماامداني بلييييييز اعذروني انزلها اذا رجعت
المهم جبت ورقه وقلم وسجلت فيها الاشياء الاساسيه والمهمه اللي لازم اسويها قبل مااسافر بيوم وهي :
تنظيف الحمامات وانتم بكرامه واحط له اغراضه في مكان واضح (كريم حلاقه فرشه موس +معجون فرشه اسنان +صابون وشامبو)انا مرتبتهم في سله بس دايما يسألني عنها واقووله في السله اي سله السله اللي عند البانيو فييييين مالقيت الين اجي واطلع الغرض
ترتيب الصاله كاااااااملا (كنس ومسح الارضيه والطاوله وترتيب المجلات والجرايد ومسح رفوف الزينه وتنظيف الكنب
ترتيب المجلس ترتيب كااااااامل
طبعا غسلت كل الملابس مافي ولا قطعه في سله الغسيل باقي علي الكوي
غرفه النوم رتبت اغراضي اللي باخذها معاي وحطيت له على التسريحه كل عطوره وعطوري اللي مابخذها حطيتها في الدرج لأنه كل مره ياخذ عطر ويتعطر فيه برا ويتركه على الطاوله اذا قلت ليييييييش يقول كل التسريحه عطورك واغراضك ماااااشوووووف اغراضي خخخخخخ
حطيت له كريماته ومخلطات رجاليه وصاااااارت مرتبه وواضحه اغراضه
رتبت دولاب ملابسه علقت اللي يتعلق وسفطت الابيض لوحده والتي شيرتات الملونه لوحدها والداخليه حطيتها في الدرج
المطبخ لسا ماخلصت منه رتبت الدواليب وطلعت سله كبيره كانت في الدولاب مااستفدت منها وحطيتها على طاوله المطبخ وحطيت فيها بسكويتات واندومي عشان لو ماشافت قدام عينه ماراح ياكل ولا يسوي لنفسه شي
وحطيت شابوره في علبه بلاستك وحطيتها على الرف
نظفت الثلاجه وحطيت برضه سله صغيره حطيت فيها الفاكهه لأنها مخفيه في الدرج ومشوار ياخذ منه ساعتين عشان يفتحه خخخخخخ
وسويت حركه رهيبه اخذتها امس من هنا وهي :: حطيت فحم مطحون بس مو ناعم مع فانيليا مع قرفه مطحونه مع صودا ريحتها رووووووعه وحطيتها في الثلاجه
ولسا ماخلصت بس تعبت بروح انام اكمل لكم بكره ان شاء الله
وعندي شتلات زرع افكر كيف اتصرف فيه لأنه ينسى يسقيها مويه