looloo30 :

كلامك صحيح مليون في الميه:26:

كلامك صحيح مليون في الميه:26:

$$ حبيبة $$ :

ياعمري ما عاش من يطنشك وكلامك لا تافه ولا شيء بالعكس فيك الخير اللي تفكرين تهدينهم ( تهادوا تحابوا ) شوفي حبيبتي أول شي برايي أنتي تهدينهم أفضل من زوجك لانه أخوهم وعارفينه بس أنتي غير والخير والزين اللي يجي منك يرسخ بالرأس أكثر بالنسبة لي أنا أحب إني أهدي خوات زوجي وأخلي زوجي بعد فترة هو يهديهم عشان يحسون إن الهدية جاية مني أنا وأحسن شي تمدينها لهم بيدك وتكون مثلا أخت زوجك لحالها إذا هي بس اللي بتهدينها لمناسبة خاصة فيها وإذا للجميع يعني بالعيد إذا تقهويتوا القهوة وبتجيبون الشاهي طلعي الهدايا ووزعيها بالكبير وإذا أم زوجك أو أخته الكبيرة لها نصيب تحبين راسها وتقدمينها عادي أول الأمر بتتلعثمين وبيصير وجهك ألوان بس خليك طبيعية وخلي إبتسامة حلوة على وجهك مرة جبت هدية لأخت زوجي الكبيرة ويوم راحت خالتي تصلي وأختها الثانية راحت تجيب الشاهي طلعت الهدية وقلتلها هذي حاجة بسيطة وماهي من قدرك وغلاك في القلب أكثر ولا تقولين علاقة رسمية وانحرج بالعكس الهدية مع ابتسامة وكلمة بسيطة حلوة تقرب القلوب وبالنسبة وش تهدينهم شوفي أنتي خوات زوجك إهتماماتهم والأشياء اللي يفضلونها بس لا تبالغين فيها أهم شي قيمتها المعنوية مو المادية يعني مو ساعة ألماس طقم غالي وما أدري إيش وإلا ترى بتظلون رسميين أقولك وش أهديت أخوات زوجي * خالتي أم زوجي تحب دهن العود والمخلطات مرة بالعيد جبت لها علبة فخمة من المخمل فيها دهن عود ومخلط وعسل وبخور أكيد تعرفينها دايم يجيبون دعايتها في مجلة حياة والأسرة ومرة كان عندهم زواج قريب قلت لوحدة من البنات جيبي لي فستان لها زين عليها وأخذته من دون ما تدري وكنت شارية لها قماش حليو وخيطته وحطيته في كيس من أكياس عبدالصمد القرشي وأهديتها إياه * أخت زوجي الكبيرة تحب الشالات والدراعات وجبت لها دراعة من واحة الجلابية ناعمة ومو غالية بحدود 200 ريال هذا بالعيد ومرة جبت لها 3 شالات من إيتام واخترتهم على ثلاث بلايز كانت تلبسهم * وحدة من خواته تحب الشدو الظل وتمووووت فيه هو ومكياج العيون وصرت أشوف الأشياء المميزة اللي بالسوق وأجيب لها منها مثل المكياج الأسود من مكياجي أو مجموعة من لانكوم أو من ميك أب فور إفير بس كم حبة مو كثيرة يعني مخفي العيوب وشدو ثلاث ألوان وكحل سايل ومسكرة وحطيتهم في علبة نعومة وأهديتها إياها بنفس الطريقة ( تكون لحالها) *ووحدة منهم تحب الرسم والتطريز وعمل الأساور رحت لمحل أدوات الخياطة وجبت لها قطع جاهزة للتطريز وحطيت معهم مكرات خيوط للأساور وألوانها حلوة ، ومرة جبت لها من جرير فرش ألوان وألوان زيتية ومائية كان عليها عرض * وأنتي عاد فكري في الأشياء اللي يحبونها ويهتمون فيها يعني المكياج أو القلوسات والأرواج أو العطور ودهن العود أو الكومبيوتر وأغراضه وبرامجه أو البديات والشنط أو الشموع والمعطرات للغرف والأشياء الرومانسية أو الأعمال الفنية أو الطبخات وكتب الطبخ وأغراض الكيكات والحلويات أو الأناشيد والأشرطة الدعوية أو الكتب يعني تهدينهم هدية بسيطة وحلوة بس تكون من إهتماماتهم عشان تصير قريبة من قلوبهم ولا ينسونها ويدرون إنك تفكرين فيهم وتعرفين وش يحبون آسفة على كثرة الهثرة :p بس حبيت أفيدك باللي عندي وإذا تبين أي مساعدة أو سؤال تراني بالخدمة

ياعمري ما عاش من يطنشك وكلامك لا تافه ولا شيء بالعكس فيك الخير اللي تفكرين تهدينهم ( تهادوا...