ستورمي المزيونه :

وش المشكله ماهو عيب انك تتعلمي الطبخ وانتي كبيره احس الموضوع مايحتاج دورات الموضوع بسيط صار الطبخ ف كل مكان ف الدنيا والوصفات انواع واشكال وياكثر الحسابات اللي تسوي طبخ بااابسط واسهل الطرق مثلا فيه حساب اسمه رياض الخالد مره مبسط الطبخ وبطريقه ممتعه ...

وش المشكله ماهو عيب انك تتعلمي الطبخ وانتي كبيره احس الموضوع مايحتاج دورات الموضوع بسيط صار الطبخ...

بريق الماسه :

شغالتي الاندونيسيه مشتغله بالامارات خمس سنين قبل تجيني وماشاء الله كل شي تعرف... قبلها بعد اندونيسيه مشتغله بالاردن ... وقبلها طباخ هندي واول ماتزوجت ام زوجي هي الي بيدها كل شي ماكنت استجري ادخل واجرب ... واذكر من عشرين سنه كانوا ثنتين من اثيوبيا والله يعز النعمه ناكل من ايدهم مانعرف ... هذا الموجود وقسم بالله ان وحده من عقدي اولع الفرن! اقسم بالله العظيم ... عالجت هالخوف وجبت الفرن الي بدون الولاعه لان هذي ترعبني اتخيل بينفجر في وجهي... بالله عليكم لا تضحكون ... ماقلت لحد قبل اني كنت اخاف اولع الفرن وللحين اشغل الفوقي الي بدون ولاعه لكن والله العظيم عمري ماشغلت الفرن من تحت ... اخااااف ... وماعرف اصلآ كيف يشتغل من تحت ولي اشغله من فوق اسوي فحم سريع الاشتعال ابخر زوجي في رمضان

شغالتي الاندونيسيه مشتغله بالامارات خمس سنين قبل تجيني وماشاء الله كل شي تعرف... قبلها بعد...

عواطف تركي . :

هنا السبب الحقيقي لعدم إقبالك على الطبخ انك عامله حاجز بينك وبين الفرن ويمكن ماكله صدمه او مرتاعه منه وكبر معاك هذا الخوف سنوات وتجنبتي الطبخ بكبره اول شي اكسري هذا الحاجز مع الفرن وصدقيني بمجرد ماتحلين مشكلة خوفك من تشغيل الفرن راح تنحل مشكلة الطبخ لان التعليم مايبي له شي الوصفات منتشره باليوتيوب بالخطوات صوت وصورة انا يوم كنت اخاف من الكهرباء حتى اذا تناثر شي على الارض اكنسه بالمكنسه اليدويه ومستحيل اجيب الكهربائيه لاني اخاف احط الفيش بالكهرباء وحتى الاستشوار والات نزع الشعر وجهاز مساج وكل شي يحتاج كهرباء كان بالنسبه لي اني اشبكهم بالكهرباء كابوس كبير الى ان بالتدريج كسرت الخوف وفي البدايه اخواني كانو يطقطقون علي ويضحكون لاني اوقف دقايق اقرب الفيش من الكهرباء بهدوء وابعد واقرب يالله اتجرأ واشبكه وكنت عادي لما يطقطقون علي اضحك لاني فعلاً اخاف من الكهرباء الى ان بالتدريج كسرت الحاجز فا انتي الواضح مشكلتك الاساسيه الخوف من تشغيل الفرن تعلمي عليه الى ان تطمئن نفسك ثم تعلمي الطبخ

هنا السبب الحقيقي لعدم إقبالك على الطبخ انك عامله حاجز بينك وبين الفرن ويمكن ماكله صدمه او...

بريق الماسه :

صح كلامك عواطف التركي اذكر في اول السبعينات يمكن انتقلنا من بيت ابوي القديم لبيت أجد شوي ماهو برضانا لكن جات لمنطقتنا ازاله كامله لانها كثير قديمه والبيوت متهالكه اشترى ابوي فرن غاز اربع عيون وايامها الكهربا احتمال ماهي قويه ماتتحمل وهالفرن ان ماخاب ظني من تحت عالكهرب وفتحناه انا واخوي شفنا بالتيلفزيون طبق اليوم قلنا نقلد كان كيك عاد عجنا اشياء غريبه نشا وكاستر وطحين وقلنا بندخله الفرن وهو بيطلعه لنا كيك سبحان الله عقلية جهال واذكر والله العظيم دخلنا نص راسنا بالفرن تحت ندور وين يشعلونه ... وحط اخوي الكبريت ورب البيت انفجر وفزعنا اخوي يضحك وانا قلبي يرجف وماسكه وجهي ان الحمدلله ماحترقت كنا صغار وللحين مانسيت هالحادثه بعد ما تزوجت وتوفت ام زوجي كنت اشغل الفرن اسخن حليب لعيالي او اسوي شاي تدرين كيف اولعه ؟؟؟ اجيب عصا المكنسه والصق فيها ورقه واولع هالورقه وانا بعيييد اقرب هالورقه الوالعه من عين الفرن الفوقيه اما التحتيه عمري ماشغلتها انا شكل الحادثه فعلآ هي السبب اني ماتعلمت الطبخ

صح كلامك عواطف التركي اذكر في اول السبعينات يمكن انتقلنا من بيت ابوي القديم لبيت أجد شوي ماهو...