بسم الله الرحمن الرحيم
اولا قبل اى حاجة قولوا( ماشاء الله لا قوة الا بالله) وقولوها من قلبكوا
ثانيا بعرض موضوعى ده وانا مخلصه النيه لله وبتمنى من كل قلبى انا ما يبقاش فى اى ذره رياء جوايا وانا بكتب الموضوع
ثالثا الموضوع بيحصلى يوميا اكتر من عشره عشرين مره على حسب احتياجى يعنى والله والله متجربه
رابعا توكلت على الله
موضوعى ازاى اخليكى تلاقى اى حاجة ضايعه منك فى ثوانى
لا ابقى ببالغ لو قلت ثوانى لانك باذن الله هتلاقيها فى اقل من ثانيه
ازاى!!!!!!!!!!!!!!!!!!!!!!!!!
كنز من كنوزنا الاسلاميه مش كل الناس للاسف عارفينه
دعاء ايوة دعاء بتدعيه لله وانتى بدورى على اى حاجة ضايعه منك
ركزواااااااااااااااااااااا اوى يا جماعه
الدعاء هو (يا راد الضاله وهادى من الضلاله اللهم اردد على ضالتى بعزتك وسلطانك فانها من عطائك وفضلك)
معقووول هوه ده الدعااااااااااء !!!!!!!!!!!!!!!!!!!!!!!!!!!
اه بسيط جدا وسهل انه يتحفظ
ناس كتير هتسال ماحنا بنقول الدعاء ده
طيب انا هاحكى
بدات قصتى مع الدعاء ده لما سمعت عمرو خالد فى رمضان بيقوله فى حلقه عن الادعيه والاذكار
قلت وماله اجربه هوه ودعاء كمان هابقى اقولكوا عليه بعدين المهم خلينا فى الدعاء بتاعنا
بدات اقول الدعاء ده يوميا اكيد كل يوم الواحد بيضيع منه حاجات او بيتوه عن باله حاجات او بيدور على حاجات ما عرفش لقيت نفسى يوميا بقوله
لحد ما فى مره كانت فى حاجة ضايعه منى قلت الدعاء لقيت الحاجة علطول
بعد كده نفس الكلام الاقى الحاجة علطول لا والغريبه بقى انى مثلا اكون بدور على حاجة وانا متاكده مثلا ان الحاجة دى فى اوضه النوم واكون فعلا رايحه اجيبها اقول الدعاء من هنا الاقى نفسى اوتوماتيك كده رايحه للمطبخ يا ربى ايه بس اللى هيجيبها المطبخ دلوقت وسبحان الله والله والله الاقيها فى المطبخ
اى حاجة اى حاجه (ماشاء الله لا قوة الا بالله) بقدر الاقيها الموضوع معايا دلوقت بقاله سنين
الغريبه كمان انى ما عدتش بقول الدعاء كله اول ما اعوز الحاجة لسه بقول( يا راد الضاله وها ) الاقى الحاجة قدامى مش قدامى الاقى مخى اشتغل وخلى نظرى يروح للحته اللى فيها الحاجة اللى بدور عليها
تخيلوا معايا بقى كم الحاجات اللى انا ممكن الاقيها
بعمل عزومه كبيره ومحتاجه كل حاجة بسرعه مافيش وقت ادور الاقيها علطول
فى شغلى مثلا المدير يسالنى على حاجة اقول الدعاء من هنا ربنا يكرم
ولا جوزى لما يبقى متنرفذ ويسال على اى حاجة بتاعته ونهارى نهار لو ما لقيتهاش بفضل الله وحده بلاقيها
الا حاجة واحده عمرى ما استخدمت الدعاء ده فى اى حاجة تغضب ربنا
يعنى عمرى ما استخدمته وجوزى عمال ينادى فين السجااااااااااااااير بتاعتى ؟؟؟؟؟؟؟ ان شالله يبهدلنى ما بستخدموش عشان ربنا يكرمنى
طيب هوه انا شيخه ولا ولى من اولياء الله
لا ابدا بس ربنا بيحب اقل العبادات على ادومها
يعنى يا جماعه ما تستعجلوش بس اخلصوا النيه لله
واهم حاجة فى اى دعاء اى دعاء
اليقين ثم اليقين ثم اليقين
وفى النهايه بدعى من كل قلبى اللى يدخل ويقرا موضوعى يفيده فعلا ويعمل بيه
عاوزين تردوا او ماتردوش مش مشكله
يارب يكون موضوعى ده ابتغاء وجه الله
(اللهم انى اعوذ بك ان اشرك بك شيئا اعلمه واستغفرك مما لا اعلمه)
دعاء العمر @daaaaa_alaamr
عضوة نشيطة
يلزم عليك تسجيل الدخول أولًا لكتابة تعليق.
بيت ابويا
•
جزاك الله خيرا
لا يمكنك مشاهدة هذا التعليق لانتهاكه شروط الاستخدام.
حبيبتى
الدعاء له اكثر من صيغه ولكن !!!!!!!!!
صدقينى اهم من صيغه الدعاء نفسه هو اليقين ثم اليقين
وفقك الله للخير
وشكرا على ردك الجميل
الدعاء له اكثر من صيغه ولكن !!!!!!!!!
صدقينى اهم من صيغه الدعاء نفسه هو اليقين ثم اليقين
وفقك الله للخير
وشكرا على ردك الجميل
تسلمين يالغلا
انا اقول هذاالدعاء واهم شي اليقين
اللهم ياجامع الناس ليوم لاريب فيه اجمعني في ضالتي
انا اقول هذاالدعاء واهم شي اليقين
اللهم ياجامع الناس ليوم لاريب فيه اجمعني في ضالتي
الصفحة الأخيرة