أم مؤمن2006 @am_momn2006
عضوة فعالة
بتنضفي عشان رمضان؟؟ طيب تعالي اقولك
السلام عليكم
ازيكم يا بنااااااااااااااااااااااات
انا بدأت التنضيف العميق عشان رمضاااااااااااااااااان و كل عام و انتم بخير
وبعدين جات في دماغي كام فكرة كده قلت جرررررررررررررري علي حبيباتي اقولهم عليها
شوفي بقي يا بنوتة منك ليها
و انا بانضف البوفيه لقيت طاقم السرفيس بتاعي و معاه ما شاء الله 12 فنجان قهوة و 12 فنجان شاي
و عمري ما استعملتهم (متجوزة من 7 سنين )
عندي اطقم تانية الاركوبال و الاطقم التانية
و بيني و بينكم ما استعملتش الفناجين خالص الناس يا أوختشي بيفضلوا الماجات و انا كمان هههههههههههههههههه
ففكرت فوكيرة حلوة
قلت طيب ما انا اخد 6 فناجين شاي و 6 فناجين قهوة و البراد بتاعهم و اللبانة و السكرية و يبقي كده طقم جامد
و اطلعهم لعروسة تكون بتجهز مثلا اهي حاجة تساعدها واهو نفرح حد معانا برمضان
كمان الفكرة ضربت اكتر في نافوخي
لقيت يا اوختشي مفارش الزينة بتاعة السرير عندنا منهم اكتر من واحد و ما استعملتش منهم غير مثلا 2 او 3 و بعد كده يا اما في الدولاب يا اما تحت السرير:rolleyes:
فكرت افرح عروسة معايا برمضان و العيد
و طبعا الهدوم و يا سلام بقي لو قميص من اللانجيري تبقي فل جدا:heart:
ها؟ ايه رأيكم نعمل كده؟؟
هتقولي طيب اوديهم فين؟؟؟؟
اي جمعية خيرية زي جمعية رسالة اتصلي بيهم و هما هييجوا ياخدوا منك الحاجة
او مثلا دار ايتام
كل عام و انتم بخير يا بنات و يا ريت تقيموا الموضوع و ترفعوه عشان يمكن حد يعمل كده
:26::26::26::26:
86
15K
يلزم عليك تسجيل الدخول أولًا لكتابة تعليق.
حليب وعسل
•
فكره روعه
الصفحة الأخيرة