بتوظف قريب بس ماني فرحانه

:(
طار موضوعي للصفحه الثانيه بخمس دقايق
ومحد قراه

ابي اسجل وبس

ماقدرت ارد عليك لاني عضوه جديده ومشاركاتي استنفذت
بس حبيت اشكرك على اقتراحك الجميل

وفكره الاستقطاع بحساب ثاني حلوه بصراحه
وبفكر فيها ليه لاء

بس احس ان المبلغ طفسه متى يمديني اجمع عشان ابني شقه

مشكوره ياعمري على ردك لي
والله يوفقك في حياتك ويكتب لك الخير وين ماكنتي

ماشاء الله واضح انك طيبه

بس زوجك استغلالي قولي مابي شقه جديده موب مسئوليتي تبي دبر فهميه مايتدخل براتبك ابد

نصيحه سوي استقطاع يعني تفتحين حساب ثاني وتخينهم يشيلون من راتبك الكتروني وقت نزول الراتب يشيلون مبلغ اقترح ثلث او نصف الراتب مناسب

وحطي معهم 27 الف واشتري ارض وبيعي او ابني شقق كذا ماراح يكون فيه فلوس زايده يحط عينه عليها واهم شيء كل شيء باسمك

طبعا اول راتب وزعي على اهلك وعشى اهل زوجك اذا تحبين وكنت بقول عطي زوجك هديه بس خلاص هو شاحذ سياره بمبلغ وقدره

واذا امك مالها راتب خصصي جزاء من راتبك لها شهريا 500 او على حسب راتبك

ياربي اكره الزوج الاستغلالي الي مايستحي على وجهه

والله مشكله
حاولي تصرفينه لما يجيب طاري الفلوس بعدين بيستحي على دمه وبيسكت
دام عندكم سياره ماله داعي تكلفين على نفسك وتجيبن وحده جديده عشان اهله يستفيدو من سيارتكم امك اولى منه اهو واهله
قولي له ما بتصرفين فلوس بدل السكن وبتجمعينها وتشترين لك ارض باسمك انتي
الرجال ماينعطون وجه بهالزمن

ياقلبي الله يتمم عليك الوظيفه ع خير ياااارب

اسمعي انتي مثل اختي ولا تزعلين من كلاااااامي

لالالاتصيرين مغفله وغبيه اذا قال زوجك ادفعي تدفعين ماله حق بمالك وراتبك وش دخله فيك
والايجار هو المسؤول عنه وله حق يدفع مو انتي والسياره ماعليك منه لاتجيبين سياره الرجال بس يحبون يستغلون زوجاتهم
وخاصه انك قبل ماقصرتي بعتي ذهبك عشانه ولا شفتي منه شي

اسمعي المبلغ الي بيعطونك هو عطي امك منه واشتري ذهب اذا تبغين بس حطيه عند امك ولا تبيعينه مهما كان الذهب هو ال بمسك فلوسك ماتدرين خليها لك وللزمن
والا افتحي حساب وحطي فيها الفلوس وحطي فيها 1000 او 2000 من راتبك يعني جمعي لك وللزمن بس زوجك لايدري عن الحساب هذا
واذا سالك بشي راتبك وين يروح قولي والله انا ابر بامي واعطيها
صدقيني الرجال اذا بغا فلوس جاب لو من تح الارض
وبعدين انتي مو مكفوله تدفعين ايجار وسياره اصلن شرعا ماله حق فيك بفلوسك وغير كذا شرعا هو الي يصرف حتى لو كنتي مليوديرا
الرجال من حقه يصرف ع عياله وبيته وزوجته واذا انتي بتساعدينه تساعدينه بمبلغ بسيط بس مو اي شي يعني تساعدينه مثل ع تسدديد دين بس مو المبلغ كله يعني لو نصه اوربعه وحسب انت ماتبين مو اجباري
وانا بصراحه اعتبر الرجال اي ياخذ من حرمته مو ررجال

انا اقولك سالفة بنت عمي مسكينه تخيلي من اول شهرين بزواجها لعب بعقلها بكلام حلو وقال عند دين ومدري وش ابيك تبعين ذهب تسدديد عني والا بيسجنوني وهي المسكينه صدقت وباعت ذهبها جاب عشر الاف ريال واخذ الفلوس والله العالم وش سوا فيه
وعقب فتره قال ابي فلوس وهي تعطيه طبعن تخيلو سنتين كامله وهو بين فتره وفتره يطلب منه بطريقه غير مباشره فلوس وتعطيه
وحتى وقت نفاسها اذا اولدت يجيها فلوس وياخذه منها
عاد هي شافت الامر زاد ووقفته عند حده وقالت مالك شغل فيني زودتها سنتين وانا اصرف عليك وين راتبك وين يروح وراتبه 7000 ريال وماعنده قرض حتى تقول ببيته مايصرف كثير تقول انا اصرف
قلت لها ايه ياماما انتي عودتيهخ انك تصرفين ع عيالك وبيتك
وعقبها اسحبت عليه وصارت ماتصرف وتعدل وصار يصرف هو ومره طلب منها وقال واحد بسدده انا تدينت منه قالت مالي شغل فيك وفعلا عقبها قال خلاص سددته
مو انا قلت لكم لا ترحمون الرجال خاصه الاستغلالي
وبنت جيرانا شرت فله واثثتها بفلوسها وزوجها مادفع الا مبلغ بسيط وقالها بكلام حلو هذا بيتنا انتي سويه انا مديون ومسكينه صدقت وعقب ماخلص البيت جاب الحرمه الثانيه فيه

وطبعن هي ماخلته يتهنا راحت واخذت كل العفش الي جابته من كنب ومطبخ وكل شي وباعته واطلبت الطلاق وعاد مدري عنها الان تطلقت اولا

اغلب الرجال كذا اول ماتتوظف المراه عينه على الراتب