بجامات فالامارات

اختى سير مصانع عجمان انا يوم كنت في الجامعة اشوف بنات عجمان يلبسون تشيرتات محد يلبس مثلها

وبعد ما تخرجت اكتشفت مصانع عجمان في محل اسمه حبيبة يبيع اشياء حلوة بين فترة وفترة
واسعار البيجامات تقريبا 20 او 25

واذا تبغين بجايم كشخة سيري محل bhs ساعات ايبون بجايم حلوة
وعند مذركير ودبنهامز

تسلمين الغالية عالردود
وانشاالله بسير باجر

شوفي عندك مصانع عجمان فعلا انا جايبه منهم كثير :) ونفس المحل اللي الاخت ذكرته (حبيبه) وفي محل ثاني بعد بمصانع عجمان بس نسيت اسمه.

بعد في بابوظبي بجامات روووووعه تكون من ثلاث قطع او قطعتين بس حلوين مره وكل فترة شهر ينزلون موديلات مختلفة من البجامات الحلوه القطنية اللي من الامام فيها مثل رباط (حبل) ومعها تي شيرت فوقها ومرات روب صغير والوانهم حلوه ازرق اخضر وردي بنفسجي هالمحل اسمه (خذ ووفر) Pick And Save واسعارهم حلوه من 36 درهم إلى 45 درهم .

اما مصانع عجمان مثل حبيبه وكذا اسعارهم رخيصة بعد في عندك بيجامات تبدأ من 15 درهم إلى 40 درهم وكلها حلوه :) بس مرات تحصلين شي حلو ومرات لا على حسب اللي نازل بس انتبهي من القماش وتخيري القماش الزين اللي ما يشط ولا يمط ولا يترهل بعد الغسيل او مع اللبس :) وعشان تعرفين القماش اذا يترهل ويشط ولا لا مسكي القماشه وشديها بيدك من الجنبين من وسط البلوزه اذا حصلتيها شطت وتمت شاطه معناها مو زينه :)

سلام يا احلى ناس :)

دموع الحيرة حبوبة ممكن تروحين محل لاسنزا... فيه بيجامات حلوة.. و عندج انر لاينر و وومن سيكرت...و نعومي بعد فيه أشياء حلوة لس ترى كل المحلات مب دايماً فيهن اللي يعجبج...:27:

خواتي إلي قال صناعية عجمان أنا أدل المكان بس ما شفت محل حبيبة وين موقعه عند محلات ديفانس والمحل إلي لونه أصفر شي جذة
أرجو التوضيح