ولا الحقيقة انتي اتعلمت أبان إني كويسة؟
خليني اقولكم كتير من الناس بيظهروا قدام العالم كأنهم أقوياء، بيضحكوا، منظمين، شاطرين في شغلهم، بسندوا غيرهم، وبيقولوا "أحنا تمام" بثقة و ثبات... لكن حرفيًا هما مش دايمًا ولا غالبًا بيكونوا تمام.
شوفوا ساعات القوة بتبقى مجرد قناع بنلبسه مجبرين علشان ننجو، مش علشان إحنا حقيقي بخير.
قناع كده صنعناه بنفسنا واتعلمنا نستخدمة من بدري جدًا، يمكن كده من الطفولة، لما كنا بنحس إننا لو ضعفنا أو فشلنا أو كنا متلخبطين مفيش حد هيحتوينا، أو الخوف انهم ينتقدونا، أو هنكون حمل و عبء.
فتعودنا ندفن ونكبت مشاعرنا، ونضحك، ونتماسك... علشان نبان اقوى وبس.
هنا بقى يجي دور السؤال المهم:
هو "النجاة او اننا نبان اقوى" كفاية؟
هل انت/ي تستحقوا تفضل/ي لابسين القناع سنين؟
طيب تعرفوا الفرق بين إنكم تبقوا "كويسين بجد"، وبين إنكم مجرد "بتبينوا إنكم كويسين"؟
ياترى ازاي أتعامل مع الإحساس ده؟
1. لما تحسي إنك "كويسة"، اسألي نفسك:
هو أنا فعلاً كده مرتاحة؟
هو حقيقي انا عندي الصراحة مع نفسي أكون ضعيف/ة وأتقبلني؟
ولا كل اللي انا فيه مجرد تمثيل عشان أكسب رضا اللي حواليا؟
2. اتعلم/ي تفهم/ي مشاعرك الحقيقية:
شوفوا القوة الحقيقية مش إنكم تكملوا لوحدكم، لكن إنكم تعترفوا بمشاعركم بصراحة حتى لو صعبة.
يعني مثال بسيط كده زي ما اتعودنا: "أنا تعبانة ومش عايزة أبين للناس اني عادي أو تمام النهارده" = دي بقى القوة.
3. اعملوا لنفسكم مساحة أمان:
سواء جلسة دعم نفسي، أو حد عنده واعي كفاية تثقوا فيه، أو لو ورق تكتبوا فيه، المهم يبقى عندكم مكان تخلعوا فيه القناع.
4. اعرفوا إيه هو المصدر للقناع:
اسألوا نفسكم: إمتى بدأت ألبسه؟ وإيه المواقف اللي حسيت فيها إن ضعفي مرفوض ومينفعش يبان؟
الفهم ده بيحرركم من تكرار نفس النمط وبالتالي منحملش زيادة على نفسنا.
مثال تاني من أرض الواقع:
حد بيشتغل في الإدارة مثلا أو التربية، دايمًا بيكون قدوة للناس، لكن بينهار لوحده بالليل او لما يكون لوحده عمومًا.
هو محتاج يراجع: هل هو دايمًا مطالب يكون النموذج المثالي؟ ولا من حقه يكون إنسان عادي لبعض الوقت حتى ولو بحركة دعم لنفسه مع فريقه في العمل مثلا؟
او أم دايمًا بتضحي بزيادة وبتدي، بس مفيش حد بيسألها "إنتي محتاجة إيه؟"، فبتصدق خلاص فعلا إنها مش محتاجة.
وهي في الواقع بتتألم وبتتآكل.
نصيحة اخيرة
💭 كونوا صادقين مع نفسكم...
مش لازم تبقوا كويسين طول الوقت.
لكن لازم يكون عندكم مكان تكونوا فيه "إنتم"، من غير أقنعة.
#أمنيةمحمد_استشارية إرشاد أسري وزواجي
#جرعة_راحة_أمنية_محمد.
#دعم_نفسي_أمنيةمحمد
#حدودك_الشخصية
#راحتك_النفسية_مش_رفاهية
ادعاء القوة والثبات ومحاولة التكيف مع الواقع شيء مميز
ليش تبغون الشخص ينبش ويطلع ذكريات حزينة ويصير درامي غصب
؟؟؟ بديت اشكك انكم انتم يالدكاترة النفسيين تدفعون الانسان لاسترجاع الامه عشانه تجيه حالات اكتئاب وتستفيدون من وراه
😏😏