بجد اللي يقدر يساعدني يدخل انا تعبانه نفسيا اوي

اولا السلام عليكم ورحمه الله وبركاته

انا ياجماعه عندي بجد مشكله انا بالنسبه ليه سببت ليه عقده نفسيه

انا سني 21 وهكمل ان شاء الله 22 في شهر 6 اللي جي

المشكله ان كل اللي يشوفني يقول ان عندي 30 او 32 سنه وبجد لما حد بيقولي كده ببقي هعيط

ده غير لما اخرج في اي حته دايما الناس تناديني يامدام

مع ان لبسي عادي لبس بنات يعني مش لبس عواجيز

ده غير اللي بعقدني اكتر اني لما اخرج مع اخواتي البنات مع انهم كلهم اكبر مني
واصغر واحده فيهم اكبر مني ب5 سنين الا دايما الناس فكراني الاكبر مع ان كلنا بنلبس نفس طريقه اللبس تقريبا

وجتلي فتره لبست العبايات دي بجد كانت اصعب فتره عليا كان اللي بيشوفني بيقول اني مامتهم مش اختهم وحتي بعد ما غيرت لبس العبايات ولبس جينزات علي بلايز لبس عادي يعني برضه لسه بيفتكروني اختهم الكبيره وساعات امهم
ومحدش بيصدق ابدا اني اختهم الصغيره مهما قلت لدرجه ان واحده الله يسامحها كنت انا واختي اللي اكبر مني ب 6 سنين في الجامع في رمضان شافتنا و استغربت اني انا الاصغر وقعدت تقولي لا مستحيل ده انتي شكلك اكبر بكتير
ولما عرفت اني اصغر ب6 سنين مرضتش تصدق افتكرتني بضحك عليها
ده غير لما بخرج مع اصحابي في نفس سني الناس بتفتكر اني اكبر مهنم ولما كنت بالعبايه افتكروني امهم لدرجه اني ما بقتش خلاص بحب اخرج لامع اخواتي ولا مع اصحابي
وطبعا ده انه غير ماثر في موضوع العرسان ده لدرجه اني لما بخرج مع اخواتي المتزوجين بيتقدملهم العرسان وانا مستحيل حد يفكر اصلا
انا بجد يا جماعه مخنوقه اوي حد يقولي ايه الحل لدرجه دلوقتي ان لما حد ان حصل يعني ونداني يا انسه بستغرب
انا بجد مخنوقه اوي حد يقولي اعمل ايه قالولي اخس وخسيت 11 كيلو وبرضه مافيش فايده
انا دلوقتي وزني تقريبا 75
وطولي 165

يعني مش البشعه ولا الجته

ده لدرجه من اسباب العقد برضه ان اول واخر عريس اتقدملي جه كان معجب باختي المتزوجه
ومشي طبعا و لا رد واخواتي طبعا قعدوا يخترعولي في اي اسباب لانه مشي ومردش
وده خلاني ادخل اكتئاب لمده شهرين تقريبا واللي حرقني اكتر ان اهلي واخواتي قاعدين بيضورولي علي عرسان وده بصراحه بيخليني خلاص عايزه اموت نفسي من بعتره الكرامه دي
وكل مناسبه طبعا لازم يقعدوا ويقولولي البسي ده وما تلبسيش ده و اعملي كده وما تعمليش كده
لدرجه ان في فرح اختي من سنتين جابولي ماكيرا للميكب واشترولي فستان بالشئ الفلاني عشان يمكن حد يحن ويجي علي نفسه ويتقدملي وطبعا لحد دلوقتي لاحس ولا خبر وبجد حاسه حاسه اني خلاص ماعنديش اي كرامه وخصوصا قدام اهلي واهل اجوازهم
انا اسفه للاطاله بس ده انا لسه ماكتبتش اي حاجه تقريبا من معاناتي انا عارفه انها تفاهه في نظر كتير بس بالنسبه ليه كرامتي هي اغلي ما املك
وكل ما اشوف الشفقه في عيون حد ببقي عايزه اموت نفسي انا عارفه اني لسه طغيره علي مشاله الجواز بس الظروف بتحط الواحد في مواقف هو مش عايزها ادعولي ربنا يصلحلي نفسيتي ويربط علي قلبي واسفه مره تاني للاطاله