بجد تعبت اوى مش قادره استحمل

السلام عليكم يا بنات بتوحشونى اوى بس والله عشان امتحاناتى مش بقعد غير لو هعمل حاجه مهمه يعنى انا دلوقتى سبت المذاكره وجيت على اسالكم لان الموضوع ده مضايقنى اوى المهم ندخل فى الموضوع على طول بقى انا طبعا فى الامتحانات دلوقتى وكل يوم لما الامتحان يخلص بنقعد مع بعض شويه المهم بقى انا و اصحابى كل كلامهم نميمه يعنى دى غشت ودى محلتش كويس وكده دايما يقعدوا ينموا وانا بقيت بتضايق من كده يعنى النص ساعه الى اقعدها معاهم اخد بسببها ذنوب المهم بقعد اقول لهم يا جماعه حرام بقى ماتيجو نتكلم فى مواضيع مفيده احسن يقولو لى ماشى وفى وسط الكلام يرجعو ينموا تانى وكمان فى وحده معايا فى اللجنه بتكرهنى اوى وكل ما اقول حاجه تكدبنى وتغلطنى دايما دايما والله معرفش ليه كده يعنى دايما تقعد تقولى طقمك وحش اوى مع ان كل اصحابى التانين يقعدوا يقولولى ايه الطقم الجميل ده وهى تقعد تضحك وتقول هههههه انا عارفه انكم بتجملوها فين الطقم الحلو ده وبعدين اصحابى التانين كل شويه يجوا يقولولى دى قالت عليكى كذا وكذا اقعد اقول لهم ربنا يسامحها اكيد يا بنات هتقولولى ابعد عنها ومكلمهاش بس حرام الخصام وكمان انا كنت هخرج مع اصحابى بكره عشان اخر يوم هى مكنتش هتخرج معانا بس اول ما عرفت انى هخرج راحت لاصحابى وقعدت تتكلم معاهم بعد كده جم وقالو لى معلش احنا مش هنخرج بقى رحت قلت لهم اوكى بعد شويه انا بتكلم مع واحده منهم وقعت فى الكلام وقالت لى وانا خارجه بكره هجيب معايا20جنيه رحت قلت لها يعنى انتم خارجين عموما براحتكم اوى وانا مش هتزل لكم بقى عشان اخرج معاكم وعلفكره بقى انا عارفه ان كلكم بتكرهونى ولو انتم بتكرهونى انا كمان بقى لو كرهت مش بسامح بس وبعد كده خرجت من المدرسه وهم عمالين يندهو علينا عشان هم انا بتعامل معاهم والله العظيم ومعامله كويسه جدا بس خلاص تعبت والله العظيم ومشيت وسمعاهم عمالين يندهدوا علينا بس مردتش برضو ومشيت عشان ابين لهم انى عندى كرامه بقى عشان الطيب فى الزمن ده بيستعبطوه وانا مش عارفه بقى اعمل ايه لما اروح بكره اكلمهم ولا لا معلش هقول بس اخر حاجه مره كنت بتصل بواحده منهم وهى كانت قايله لى انها مش بتعرف تذاكر وصعبت عليا اوى قعدت افكر واقول يعينى دى ممكن تسقط لقدر الله ولقيت طريقه حلوه اتصلت بيها عشان اقول لها مامتها ردت عليا وقالت لى معلش يا حبيبتى هى مشغوله دلوقتى عشان بتذاكر ها بقى يعنى ده جزاتى انى عاوزه افيدها ومعطلا نفسى عن المذاكره وهى اصلا بتذاكر معلش يا بنات طولت عليكم بقى