بناتنا المثاليات والممثلات
بجد المفروووض كل وحده تنعطى منهم جائزه اوسكااار...تلقيها تحكي عن الامور بمثاليه وتحكي انها افضل من يفكر بالدين وبالناس وهي اكثر وحده بقلبها رحمه...وبعدها بفتره تنصدمي بهالانسانه انها انحطت بظرف وتصرفت بطريقه انانيه...بجد يجيبو لك انفصام بالشخصيه
مثل وحده دائما تظهر الطيبه للناس وبنفس الوقت منكده بمرة اخوووها الين طلقتها وانواع الكذب والتبلي عليها وهي قدامنا لو شافت نمله بكت
وبعدين بناتنا عندهم عاطفه فياضه وجالسين يوزعوها يمين ويسااار...تلقي نظرات شفقه بعيونهم وكلام كله رحمه وتنهدات بمجرد ان وحده مرت من عندهم وقالولها ماتخلف كنهم قايلين لها شي كبير...وياحرام وياحياتي ومن هالكلمات .. وهي احقد خلق الله بس تعرفو لزوم رسمه الشخصيه المثاليه ...وهي بنفس الموقف تشوووف وحده عندها اطفال بس عشان ملبستهم بألاف تحقد وتشتغل عندها الغيره وتقول جعلها ماتفرح بولدها...ليش ياماما علشان ربي رزقها حسدتيهااا؟؟؟تيب فين حركات المثاليه اللي قبل يومين وانتي تتنهدي كأنك بفيلم هندي والدموع اربع اربع!!!!
بجد مجتمع غريب ومريض نفسي
لو شافو قطه بالشارع حطو عليهاااا سالفه واترحمو عليها بس باقرب فرصه اذا شافوك مو بجنبهم راحو واصدموها بالسياره وهما يضحكوو...لو انا حاخذ بكلام الناس كان صدقت اننا في المدينه الفاضله وان الناس ملائكه
بعدين ياقلبي كلن ترحمه وحده اتزوج عليها زوجها ووحده ماخلفت ووحده ماتزوجت ووحده امها ماتت بس شوفو التناقض بعدها بشوي تلقيها تتشمت على فلانه وتفرح لمصيبه فلانه وتدعي على علانه
واللا تجلس تحكي وكلها مشاعر فلانه ماعندها قلب سوت كذا وكذا وبعدها بكم يوم تلاقيها سوت مثل هالموقف وابشع
مثل وحده حكت ان وحده راحت وخلت اولادها ورمتهم عند ابوهم ..وطول الوقت شوي وحتصيح تقول انا رحمت هالاولاد وكيف امهم جاها قلب ومافي كلمه الا قالتها ...وبعدها بكم يوم رمت اولادها عند ابوهم وقالت بنبره كلها قوه وتشمت احسن خلي ابوهم يتأدب وتكلم بناتها وتضيق خلقهم وتقولهم روحو ازعجو ابوكم عشان يراضيني!!!
تيب ليش مارحمتي اولادك واللا اولاد فلانه يستحقو الرحمه وانتي اولادك اولاد يهووود مايحقلهم الرحمه
ليه يابنات جبتو لنا انفصام بالشخصيه
خليك على حقيقتك ترا ما احد يمشي لك راتب واللا بيقطع عنك المصروووف...واذا فيك صفه مو حلوه حاولي تعدلينهااا
واتخلصو من عقدكم الي ورثتها لكم مجتمعاتكم
ليش ترحمو المطلقه ع ايش؟؟؟ربي ما احل الطلاق اللا ان فيه مصلحه وصدقيني كم مطلقه حياتها احسن من متزوجه
ومو دليل استمراريه الزواج معناته السعاده... الا بيوت كنها معتقلات وربي العالم فيها والطلاق حل لها وسعاده ...بس خوف الوحده من نظره هالمجتمع خلتها تدفع ضريبة هالشي من سعادتها وحياتها
واللا الانسانه اللي ماتخلف اطفال...يمكن ربي راحمها من طفل يجيها ويكون تعاسه لها واللا يكون ابن عاق يبهذلها..بعدين ادعيلها بقلبك مايحتاج تطلعين مشاعرك لها وللناس لو كنتي صادقه دعيتي لها بظهر الغيب من غير رياء
واللا اللي كبرت ماتزوجت انتي عارفه ايش ربي مبعد عنها ..يمكن ربي مخبيلها الافضل... أو يمكن ربي راحمها من حياة التعاسه اللي حتواجها يا ما بنات استماتو عشان الزواج ولما تزوجو قالو ياليت اللي جرى ما كان
يابنات ياليت كل واحد ينشغل بنفسه ودعو الخلق للخالق وارحموهم من نظراتكم اللي تعلمتوها من هالافلام وتخلصو من العادات الي بالمجتمع واللي تحسو مالها داعي
وصفي نفسك وابعدي الحقد عنك والحسد والتشمت بالناس والتكلم بحياتهم وبعراضهم
وقبل تعملي او تقولي اي شي دائما حطي نفسك بمكان هالبنت وشوفي انتي ترضي ينعملك او ينقالك نفس الشي اذا لاء فابتعدي عنه وصدقيني الي ينشغل بخلق الله يموت وهو ماطور نفسه وهو محله سرررر
والانسان الي منشغل بنفسه وبعيوبه تلقيه بالطليعه وتلقيه مطوور حاله وتلقي نفسه صافيه وماعنده عقد
الله يصلح شأن بناتنا واولادنا ومجتمعنا
سوسو لولوو @soso_loloo
عضوة فعالة
يلزم عليك تسجيل الدخول أولًا لكتابة تعليق.
الحياة امتحان حي للشخصيات ,, كلنا نقول كلام حلو ونعطي حكم و... لكن الشخصية الحقيقية تبين في تطبيق الكلام على أرض الواقع ,, وعمر رضي الله عنه يقول بما معناه لا تحكم حتى تعاشر !
الصفحة الأخيرة
وصح هالعقد ورثتها لنا المجتمعات اللي حنا عايشين فيها يشرفني اكون اول من رد عليك
تقبلي مروري