بجد محتاجه استشارتكم

خواتي بجد محتاجة استشاركم مخي تعب من كثر التفكير

قبل ما احكي المشكلة بدي احكيلكم انو عادي عنا الوحده تسوق السيارة ويكون معها سيارة احنا بالامارات غير عن السعودية

انا كتييييييييير حاليا متبهدلة بين التكاسي وسيارات الاجرة وغير الطلب من الناس هدا يوصلني وهدا يجيبني وحالتي حاله انا وزوجي..لاني بشتغل الصبح والعصر بالجامعة

وصارلي فترة بجمع فلوس عشان اشتري سيارة

هلا محتارة بين سيارتين

وحده كتير جديدة موديلاها 2009 وممتازة ونظيفه بس مطلوب فيها 37 الف وهي جاهزة هلا

وحده تانية موديلاها 2005 وكمان كتير نظيفة ومطلوب فيها 23 الف بس المشكلة صاحبها مسافر وصارله اسبوع ونص وهو باجل سفره كل يوم يبعتلي خبر بده اسبوع ليجي بخلص الاسبوع ببعت خبر كمان يومين يجي


الفرق بين السيارتين 14 الف يعني على راتبي شغل 5 شهور يتاخد الراتب كاااااااااااامل متخيلين؟؟؟ ما يضل معي غير كم ميه مصروف البترول

وانا تعبت والله لاني اشتغلت عشان احوش وكمل تعليمي وبس دفعت قسط الجامعة رجعت احوش عشان اطلع سيارة وهلا كتيييييييير متبهدله بجد متبهدلة وتعبانه تعب غير شكل دلوني

شو اعمل؟؟ اتعب بزيادة واشتغل 5 شهور زيادة عشان اسدد حق السيارة ولا استنى الرجال يرجع من السفر والله اعلم مو باين كل ماله باجل سفرته ولا شو اعمل؟؟ راسي راح يتفجر من التفكير

والمشكلة زوجي ما معاه كمان هو سيارة ولسة مشتغل جديد يعني حالته المادية جدا ضعيفه ما بقدر يساعدني او يساهم معي

لو مكاني شو بتعملوا ؟؟ بجد واثقة برايكم ومحتجاه