بحاجة لدعواتكم

صباح الخير ,,,,,,,,,,,,,,,,,,,,,
متزوجه واموري مع زوجي تمام نحب بعض وش ماصار بينا مانستغني انا اعترف الكل منا عصبي وعنادي بس للاسف من حوالي اربع شهور زاد القسآوه بينا والكل منا مايبغى يتنازل وصارت حياتي جحيم والله ثم والله صرت ادآري عليه مثل الطفل اذ رديت عليه قال انتي طويلت لسان واذ سكت يقولي ليش ساكته وليش تزعلين يعني اجيبه من طريق يروح لطريق ثاني اذ رضى علي تراك العالم كله وقابلني واذ زعل علي تركني وعاندني حتى بولدي واذ طلبت منه اغراض يقولي مامعي شي كله عناد بعناد حتى صار يقولي تزلين بغلطه ياويلك وتعبت نفسيتي منه انا ما انكر من تزوجته كريم طيب خلوق كل ما ابي تحت امري بس تغير فجاه مدري ليش اخرتها كنت جايه لاهلي قبل شهر مسيار بتغدا عندهم وصارت بمشكله بينا بلجوال ةتركني ثلاث ايام وبعدها ارسلي يقولي بجيك قلت مقدر انا تعبانه لاني فعلا شرهانه عليه وتركني وبعدها بكم يوم ارسلي يقولي انا استخرت وشفت ان البعد احسن شي لنا وكلن يشوف حياته واغراضك متى مابغيتي تعالي خوذيهم او يوصلون لحد بيت اهلك وسكتت حتى مارديت عليه وصار حتى مايجي ياخذ ولده اذ فكر ارسل اخوه الصغير وقبل اسبوعين تفاجات بطلاقي والله العظيم مطلقني من 15 يوم ولاعلمني حتى رساله ماقالي هو ساكت واهله بعد مختفين وصل رساله لخالي يقوله تلاقي ورقه الطلاق عند الشيخ الفلاني وصلها خبر والله يستر عليها ورحت واخذت كل اغراضي تخيلو والله العظيم مطلع كل ملابسه من الغرفه يعني مالقيت ولاشي يخصه حتى صور الزواج قصهم بلمقص اخذ صوره وحط صوري بلبوم حسبي الله عليه بلعقل هذا تصرف رجال الحين لي بلعده شهر يعني ماعرفت الا الاسبوعين الاخرين وراح ابوي وجاب الورقه ومكتوب عليها طلقه واحده ولحد الان مايوقف عند باب اهلي يرسل اهله ياخذون الولد وهو لاعلم والاخبر يعني الطلاق مثل السلام عليكم يعني شي مو بلعقل ماكنت متوقعه منه هاشي حتى اهله يقولون ليش تسوي كذا يقول شي بيني وبينه طيب انا مو مستوعبه وش الي بيني وبينه والي يقهرني يقول لاخته انا عارف انها احسن الحريم ومو مقصره بأهلي ولا امي ولا خواتي ومو مقصره بهتمامها بنظافتها ونظافت ولدها بس انا ابي لي مو لناس طيب وش الي له ويقول شي بينا طيب انا افكره الف مره اقول يمكن صدر مني غلطه كبيره وماحسيت فيها لكن المشكله كل شي يصير بينا ناصل السماء ونرجع يعني متعودين على بعض انا ستغربه من حاجه بالاخير صرنا مانتحمل ننام بغرفة النوم حتى اخر الايام بينا ننام بغرفة الجلوس ومره بغرفة النوم يعني وضعنا مو طبيعي وصاير وقته كله كمبيوتر حتى ما اجلس عنده ليش بحسسه بثقه لكن افكاري تشتت من كل جهه لكن انا ما بيدي الصلاه والدعاء سبحان الله حاسه براحه مو طبيعيه على اني فقدته ومشتاقه له لكن قلبي زعلان عليه وحسبي الله ونعم الوكيل من دخل بينا


أأأخر كلمه يوصلها لي

كل من رد على موضوعي الله يجزاكم الف خير آآآآخر ما يقول انا عارفه انها طيبه ومعاملتها حسنه مع اهلي وناسي وعارف انها ماقصرت معاي لكن هذا شي بيني وبينها ؟؟
ويدعيلي بتوفيق والسعاده حتى انه يقول ما راح احرجه بولدها يوم من الايام حتى لو تتزوج
شوفو اخرتها معاه يمدح ويدعيلي ويقول شي بينا الله يكتب لي الخيره


آخر مايقول عني يدعيلي بتوفيق ويقول اذ خلصت العده لاتفكر بولدها اني بخذه منها براحتها تتزوج ويقول الله يوفقها ويعوضها ؟
يعني بلعقل مو هو الي بيحدد اتزوج او متزوج اذ خلصت العده انا لو كنت بمكانه ماجيب طاري الزواج نهائي ويقول شي بينا والله ماشوف فيه شي يستاهل نوصل لهدرجه هذا كلامه من اسبوعين تقريبا


لكني منقهره من حاجه حسيت انها قويه لو بقولكم تضحكون علي هههههه
قبل كم شهر اشترا زوجي سياره جديده اهديت له هديه سلسال عليه حرفي بلكريستال المهم يوم جا اخوه قبل امس بياخذ ولدي بسياره زوجي الا الهديه بمكانها للللليش ماحذفها زي ماحذف صوره عن صوري

وانا الحين لي شهر ونصف بلعده!!!!!
لاتنسوني بدعواتكم جعل ربي يفرج عنكم كل ضيق ويسخرلكم