اليوم جابتلكم موضوع تحفة...ويحتاج تصويت منكم...
السالفة ومافيها...كنا مجتمعين عند أهلي...وكان هذا بيوم عرفة الله يتقبل منا ومنكم...طبعا أنا كاتبتكم...وأختي قطوف بنت لطوف...وأختي جوجو الدبية المملوحة نوعا ما...وزوجة أخي اللي هي راعية البيت ... ولا تسألون عن مرة الدب المملوح ليش هي مو معكم...أقولكم حنا ذاك اليوم بانتظارها...دقت علينا وقالت انا بدحديرة الغاط (حلوة دحديرة) لا تذوقون شيء لحد ماأجي...
المهم زوجة اخوي...يوم لفينا عنده...حبت تكرف أعمارنا..لكن بطريقة مدبلجة ... ومكر خفي:S_45:
مرة اخوي جتها فكرة جهنمية...:قالت وش رايكم اليوم نسوي مسابقة على أحسن طبق...واللي تفوز بأحسن طبق لها جائزة قيمة...طبعا أمي الله يحفظها مسافرة للحج.:44:.وكذا أخذت زوجة اخوي راحتها بتآمر علينا...مالنا حول ولا قوة :icon33:.."]طبعا أعجبتنا الفكرة...مدام فيها مكسب...قلنا بشرط الهدية تعجبنا..والترشيح يكون من بنات عالم حواء...واللي عليه التصويت أكثر تاخذ الهدية حلال بلال عليها
قالت: تم.
وقامت تناقز من الفرحة...وطارت تجيب الهدية ...وعلقتها على دولاب المطبخ...عشان يكون الحماس أكثر...
وهذي الهدية...مع ان الهدية ماعجبتني بس حبيت أشارك بهالمسابقة...
وهذا أول طبق وهو لراعية البيت..
قرصااااااااااااااااااااان
وهذا طبق أختي العود جوجو...رز أبيض ودجاج محمر..ومسوية شوربة الحريرية بس للأسف ماقدرت أصورها إلا وهي مصفوفة بالسماط...
وهذا الطبق الرسمي ...مقلوبة سمك على كيف كيفكم من إعداد محدثتكم (تالا دلع)...
وهذي صورة عن قرب...طبقي وانا حرة ان بغيت أحط ألف صورة ...
وهذا طبق أختي قطوف بنت لطوف...فطائر بالدجاج...وبيتزاء...بس ياخسارة البيتزا ماصورتها لأنهم أكلوها مع الفطور...ومابقى منها إلا حبة شوفوها متوزية بين كوم الفطاير...
وهذي صورة جماعية تذكارية للأطباق...
وبهذا ينتهي الموضوع ...ويبدأ التصويت للفائزة بالجاكيت....
ننتظركم....
بصراحة وبدون مجاملة... ارشح طبقك .. المقلوبة
حسبي الله على ابليسك.. اشتهيته وانا مسوية رجيم