بحثت وايد بس مالقيت إجابة على سؤالي.. متى تستخدم بذرة الكتان

السلام عليكم ورحمة الله وبركاته

خواتي العزيزات... أنا وقت الولاده وصل وزني 77 ونزل ولله الحمد لين 64 بدون ريجيم ولكن ثبت على هالوزن مع إني مسويه تخفيف واااااااايد لأكلي..

وحده نصحتني استخدم بذرة الكتان عشان تحرق الدهون هذا بالإضافة إلى إني أشرب ماي وايد تقريبا 10 أكواب في اليوم أو أكثر.. كان وزني قبل حملي الأخير 57 وقبل حملي الأول كان 52 يعني إذا حملت ماظن بنزل عن السبعينات.. أبغي أنزل وزني لأني أخطط للحمل على نهاية السنة.

أرجوكم ساعدوني مب عارفه شو أسوي والمشكله في هالبرد الواحد يتكاسل يلعب رياضه..

بس بغيت أعرف متى استخدم بذرة الكتان قبل أو بعد الأكل

أتمنى ماتطنشوني ويزاكم الله ألف خير