بحث في الرياض

فيه عندك محلات كثييييييييييره مره لخدمات الطالب في الملز واعتقد انها تقوم بهذه الاشياء واشهرها USSO ونوماس وكثير غيرها ...........تلاقينها في حي الملز مقابل ماكدونالدز الي في شارع الستين واذا حابه الرقم تراه عندي راسليني على الخاص عشان تسألينهم قبل لا تروحين لهم وتتعبين من المشوار..... USSO انا بصراحه من زمااااان اتعامل معهم بحكم دراستي الجامعيه والحمد لله مره مرتاحه من خدماتهم ودقتهم وشغلهم تحسينه مضبوط مو اي كلام ودايما اشتري من عندهم مذكرات وغيرها
وسلامتك يا قمر

امانه لا تنسينا من دعائك بظهر الغيب

الله يوفقك التوفيق الدائم ويوسع لك من أوسع أبوابه ويرزقك الرزق الواسع ويجمعني أنا وإياك في جنات النعيم
عز الله إنك فرجتي عني الله يفرج عنك
أختي ملكة أدري إني ثقلت عليك بس فيه سؤال هل يراجعون لي الأخطاء النحوية والأسلوبية ؟
واذا ممكن أبي الرقم

هو!!!!!!! يا كافي ماثقلتي علي ولا شي
يختي الناس لبعضها ولو ما جاني منك الا هالدعاء يا قلبي والله ماقصرتي
والله من ناحيه الاخطاء الاسلوبيه اتوقع انهم يسوونها لكن النحويه والله ما ادري ...انتي اتصلي عليهم وتأكدي بنفسك احسن
بالنسبه للرقم يا قلبي انتي ما فعلتي خدمه الرسائل الخاصه ... فعليها عشان اقدر ارسله لك يا عسل

شوفي يا قلبي انتي عارفه انه كتابه الارقام بالمنتدى ممنوع لذلك ابرسل لك رساله خاصه لكن انتي ما فعلتي هذي الخدمه


اذا ماكنتي تعرفين تفعلينها ابعلمك الطريقه:
شوفي فيه فوق لنكات بالاحمر فيه وحده مكتوب عليها مكتبك الخاص ادخلي عليها بعدين بتلاقين لنك مكتوب عليها تحرير الخيارات ادخلي عليها بتلاقين تحتها مكتوب كلام عن الوظائف اختاري وظيفه تفعيل الرسائل الخاصه من قبل الاعضاء هي اكيد محطوطه على كلمه لا انتي حطي الدائره على كلمه نعم وبذلك تكونين فعلتي الخدمه
وسلامتك يا قمر