بحج ذي السنه والي بتحج تدخل خلونا نستفيد

السلام عليكم كيفكم يالغاليات
بنات انا بحج ذي السنه بحول الله واول حجه لي وفرحانه وخايفه والحمدلله امس تطعمت تطعيمات الحج وبكره ولابعده نازله السوق اقضي شوية ملابس واحتياجات الحج وملابس العيد لعيالي
وطبعا كتبت كل الاغراض الي بحتاجها وطلعت كثيرررررره وبصراحه اخاف اشيل هالاغراض كلها واندم لانو احنا سجلنا بحمله وزوجي يقول كل شي متوفر فيها لاتاخذي ادويه فيه دكتوره هناك ولاتاخذي مخده وبطانيه يوفروها لنا بس كم لبس وخلاص وقالي عمته سوت مثلي اخذت احتياجات وندمت ماستخدمت الا القليل وقال رح تندمين لاتكثرين وانا منجد بحيره
لكن بقولكم وش قررت اخذ وانتو قولولي تمام وش ازيد ووش انقص
مابغى اشيل فوق طاقتي
الي بشتريه شنطه وسط لاغراضي كلها
وشنطه صغيره للجنب احط جوالي ومنديل
وسماعة جوال وشاحن وسجادة جيب وشرشف
وعباية احتياط وغطوه ونقاب وطرحه وشراريب
وشوز رياضي للمشي وشبشب وانتو بكرامه
وصابون ومزيل وشامبو من العطار من غير ريحه
ومصحف صغير وكتب للادعيه
وفرشاه ومعجون ومشط
اللبس قلت باخذ لي ثلاث قمصان هاديه و2 بجامه ساتره ومنشفه كبيره
ولبس للعيد تنوره وبلوزه
وكحل وروج للعيد فقط
بس هذولا ببالي
والباقي من ادويه ومخده وبطانيه من الحمله
ها بنات كذا تمام ولا احتاط واخذ شي زياده وهذا الي حددته اشوفه كثير مدري الشنطه بتكفي ولالا
مابقي شي لازم ذي اليومين شنطتي جاهزه
يارب انك تسهلها لنا وتيسرها وتتقبلها منا ☺
انتظركم وتكفون يامشرفات لاتنقلونه هنا كثير ونستفيد كلنا