بحج هالسنه لكني...!!! أرضع طبيعي...أبي أستشارتكم ياأهل الخبره...تكفون!!

حبيبتي اذا بتردين من الحج وترضعينه كلام امك صح بس انا اقول انك بتتعبين

كل شويه بتسحبين الحليب يعني الحج انتي تعرفين انه تعب وروحة وجيه وبتتفرغين للعبادة والصلاة

يعني مارح يصير عندك وقت

واذا كنت بتفطمين ولدك عن صدرك اكيد يتتعبين وبترتفح حرارتك ويصير عندك احتقان من الحليب اللي يتجمع

اقولك احسن شي تفطمينه قبل لا تروحين باسبوع او اسبوعين عشان تروحين مرتاحة

ولا تنسينا من الدعاء

استشيري دكتورره ,,, افضل لك

والله ياقلبي العام أنا وخالتي حجينا مع بعض وثنتينا عندنا أطفال بنفس العمر .. ولدي تسع شهور وبنتها نفس الشي

أنا قبل ما أروح فطمت ولدي أما هي ما شاء الله استمرت ما فطمتها .. وفي الحج كانت تشفط الحليب .. في أول يومين تقريبا مرتين في اليوم .. بعدين صارت كل يومين .. تخيلي
وماشاء الله تبارك الله ما تعبت ولا شي الحمد لله

ورجعت ورضعت بنتها وعاادي تقبلته بسم الله عليها ..

هالحين الحج كله خمس ست أيام وانتي مخلصه .. مو مثل قبل

اما تفطمينه قبل الحج بوقت عشان الاعراض

او انك تشفطين يكون احسن بس ما يعرقلج

الحج كله كم يوم وبترجعين لبنك

انا بنت اختي ترضع بنتها من صدر والثاني قطعتها منه لانه تورم عليها وصارت تشفط منه كل يومين وان شاء الله ماتعبت ولاشي


خذي معك شفاط واذا رجعتي عطي بنتك عادي
صحيح انا مو متزوجه بس معاشره متزوجات وعندهم اطفال

والله يكتب لك هالحجه وييسرها لك وترجعين بالسلامه

وياليت تدعين لي بالتوفيق والسعاده بحياتي