جبت لكم طريقتي في السمك والربيان مررره لذيذه والطعم متسبك وشهي
وسهل بالتطبيق بحول الله ,, :love:
سمك وروبيان مشوي بالفرن مع الرز :
الرز :
(احيان اسويه بدون كشنه) وهذي الطريقه
أنقعه نصف ساعه تقريبا مع شوي ملح حتى يكون نثري
في قدر حطي شوي زيت ولما يحمى اضيفي ( ورق غار , 3هيل,3مسمار,قرفه,بهارات حب)
ثم أضيفي الماء المغلي والفلفل الحار والليمون الاسود اذا حابه + الملح والبهار المشكل
خليه يغلي شوي واضيفي الرز ولما تشوفين الرز طلع قصري عليه مره واضيفي قطع فلفل بارد عالوجه
تعطي نكهه لذيذه مع الرز وخليه تقريبا ثلث أو لين تحسين مويته نشفت
نجي للسمك والروبيان :
تتبيلتهم وحده وهي : اعصر ليمونه اونص واضيف تقريبا 2 م ك زيت زيتون +
بهار مشكل فلفل اسود كمون بهارات مشكل ثوم بودره ,ملح +
اهرس شوي ثوم تقريبا فصين صغار
واحط معهم م ك مويه وشوي خل واحركهم
وابدا افرك السمك والربيان ببقايا الليمون ثم افرك البهارات فيهم
(طبعا السمك والربيان يكون منظف) + اضيف لهم شرايح بصل,قطع قشر ليمون,فلفل بارد
خليه بالثلاجه اقصى حد نص ساعه عشان يتسبك التتبيل
بالفرن :
تجهزين صينيه احط بايركس عميق شوي وابطنها بقصدير واصف فيه السمك مع البصل
والفلفل البارد والليمون ,, الربيان حطيتهم بعود شوي خشب
مع بصل وفلفل بارد وثبته فوق عالصينيه
يعني صاير مرتفع بالنص العود الخشبي ومن ثم تغلفين الصينيه بقصدير
وتكونين مسبقا مشغله الفرن ع درجة 150 تقريبا ثم تزودينها الى 170
او اللي يريحك يبغاله ساعه الا ثلث بعد النص ساعه انت طلعيه وشوفي
اذا تحسينه استوى بس انتبهي وانت تفتحين طبقة القصدير لان البخار حار
ولما تحسينه استوى طفي اللي تحت وخليه يتحمر بس من فوق
وانكبي الرز واضيفي عليه السمك وشوي من موية السمك المتبله بيطلع لذيذذذذذذ :hearts::wink2:
الرز بالربيان :
-نفس طريقة الرز اللي فوق
الربيان :
في قلايه اضيفي شوي زبده وشوي زيت
ولما يحتر اضيفي بصل شرايح رفيعه ,,اذا بدا يتحمر اضيفي الفلفل البارد شرايح رفيعه
الجرز مبشور , واذا حابه بازلا تكونين سالقتها اول مع ملح وتضيفينها , كوسه شرايح رفيعه
زهره مقطعه صغار وتقلبينهم مع شوية صويا حلوه لين تتسبك وتضيفين البهارات
, ملح بهار مشكل شوي ثوم بودره وطبعا الربيان
راح يتغير لونه ويصير تقريبا استوى وهو مايطول ربع بالكثير
وع نار هاديه خليهم يتسبكون وقبل تطفين النار
اضيفي شوي كزبره ولما يستوي الرز اضيفي الربيان عليه
بالقدر وقلبيه وسكري القدر يتسبك وثم قدميه وراح تدعون لي
اي استفسار بجاوبكم عليه ان شاء الله
دعوااتكم ياحلوات