بحـاجة لمساعدتكم تكفون ..

والله ماعندي فكره للأسف

حبيت اساعدك بس ماقدرت

ان شالله البنات ماراح يقصرون :26:

لـــــؤلـــــؤة
مشكورة اختي والله يعطيك العافية ويجزاك خير على محاولتك في المساعدة :26:

<--- عندها امل بردود تسااعدها :27:

باقي اسبووع :26:

اللللله مرة سوينا في فصل التغذيه كان عندي نفس المشروع بس كان عن نوعية سلطة .. وكنا اكثر من وحده مع بعض
بس عاد مقدمتنا كانت غريبة شوي مدري اذا راح تنفعك

كل المجموعات قدموا طبخاتهم ورجعوا محلهم يعني كانت بايخه ماعدا قروبنا وقروب ثاني بقولك عنهم ..

احنا سويناه كأنه برنامج تلفزيون وحده منا كانت الشيف ..
والثانية كانت مذيعه
والثالثة كانت دكتورة تغذية (ضيفة البرنامج)
والله انه الفصل اندمججججج مع طبختنا اكثثر شي مع انها كانت مجرد سلطه!!! وتخيلي كل الفصل تشوق يذوقها وهي فعلا كانت غريبة شوي وهي سلطة الماندرين سلطة صينية ويضعوا فيها برتقال وسكر ودجاج وملح وخل وحمض!!يعني مكوناتها غريبة بس مع كذا كانت لذيذة والفصل تحمسسس ..

المهم بدأ الدرس انه المذيعه قدمت البرنامج وبعدين عرفتنا بالشيف اللي راح يقدم الأكله وضيف الحلقة ..
الشيف ماكانت مجهزة كل شي مقطع وخالص مثل باقي المجموعات لا اخذت وقتها وبالوقت الضايع كانت المذيعه تكلم الضيف وتقولها ليش برايك هالسلطة مميزة عن غيرها والضيف تقولها لأنه فيها كل المجموعات الغذائي من لحم وفواكة وخضر وخبز وووو وبعدين ترجع للشيف وتسألها سؤال ثاني مثلا برايك انه ممكن نجمع الدجاج مع البرتقال يعني ماتحسين انه في تناقض بهالسلطة؟؟ وتجي تقولها بالعكس هي مافيها شي بس الموضوع ومافيه انه احنا مو متعودين على هالطريقة في الاكل واهل الصين ياكلوها من زمان وما اثرت فيهم واصلا لو جربتوها راح تتغير نظرتكم لها وتشوفوا انه فعلا قيم غذائية متكاملة و طعمه لذيذة ..
وبكذا انهينا برنامجنا..
الفصل تحمس مرررة ..
اهم شي انه مانضحك وتكن المجموعه ضابطة الدور كويس مو اول مرة وعلى طول من غير تدريب ...

----------------------
المجموعه الثانية
فكرتهم كانت حلوة بس ما اظن راح تنفعكم .. لأن تاخذ وقت طويييل ..
المهم سو تمثلية انه أم وبناتها قرروا يتبادولوا الأدوار يعني البنات يطبخوا والأم تطلع ترتب البيت برا والبنات يعني ماعندهم خبرة ابدا يعني المشهد كان كأنهم يطبخون لاول مرة بحياتهم بس بجد كانت مضحكة وانسجم الفصل معهم جدااااا .. ماذكر بالضبط ايش سوا بس اللي اذكره انه كان في سيناريو طويييييييل ومرتب يعني كانت فعلا كأنها تمثلية واقعية .. وضبطوها كويس ..


بما انه بنت خالتك لوحدها ممكن هالافكار ماتنفعها ابدا يعني بس حبيت اقول اللي عندي :23:


في امان الله
رنيــم

دخلت أسلم عليكم ...
وبصراحة أنا مالي بهالسولف ... خصوووووصا" المطبخ وتوابعه
وماحبيت أمر وماأساعدك ... قمت أعصّر مخي وأحاول وأحاول وأحاول ووو.......
وطلعت هالفكرة ...
(تعملونها على شكل Bearth Day)
يعني تجيبي عدة كاااااااملة مثل شموع وبطاقات وسفرة فيها ألوان وحركات مع صحونها وأكوابها
وتعليقات على السقف وبلونات وووو وأنتي وشطارتك
بتلاقي كل هالأغراض في محلات الألعاب ..
وإذا كنتي بالرياض تلاقيها عند( روز)
********
يالله هذا اللي طلع بيدي ، وأتمنى أكون أفدتك
وبحاول أعصّر مخي .. ولو طلع شي بقولك ؛)

أختي سنا البرق ...
حياكِ الله عيوني .

ومرحباً بالأخوات الغاليات لؤلؤة ..رغد الحياة ..صدوق ...شكراً لكم يالغاليات ....

عندي فكرة بسيطة وهي ....عرض صور كيكات جميلة على الباور بوينت
يعني كل اللي تحتاجه ..هو جهاز كمبيوتر ..وداتا شو ( ممكن تستأجره لأجل الدرس النموذجي )
وعرض تقديمي .. توضح فيه :
- المكونات الأساسية للكيك ..
-صور مختلفة للكيك...وأنواعه ...مثلاً الكيك البسيط / الدسم /
كيك العصر ..كيك الشاي ..كيك المناسبات
عرض لكواد تزيين الكيك( يمكن شراؤها من السوبر ماركت و تضعها في صحون بلاستيك صغيره كمنظر و كوسيلة جميلة تعرضها أمام الطالبات ...و ممكن تعرض لهم كيكة قبل التزيين وكيكة بعد التزيين لتوضح لهم أهمية تقديم الطعام بشكل جذاب )
وللتتناول في العرض التقليدي أسباب فشل الكيك ..../ شروط عمل الكيك /
وبإمكانك أختي زيارة قسم الحلويات في منتدانا وإختيار وصفات مختلفة من الكيك وصوره ....

و
.


.
.
.
حرااااااااااااااااااام عليكِ ..أشتهيت الكيك ....:o :o

بالتوفيق:27: