مرحبا ...
حبيت ارد على اسألتك .. بما ان عندي خبرة <<< بعدها ما كملت سنه من عرست

اول شي .. انا جربت مجموعة اوشينوس من البودي شوب .. رووووعة شويه عليها .. انا اشوفها احلى مجموعه في البودي شوب ... ريحتها تهبل


ثاني شي عن الغسول .. بما ان انتي توج عروس .. استعملي شي خفيف للأستعمال اليومي .. انا جربت كيرفري و سيباميد .. و سيباميد احسه افضل .. ريحته احلى و يعطي شعور بالنظافة..
تلاقين سيباميد في الصيدليات و السوبرماركتات الكبيرة

و عن تعطير المنطقة .. احسن شي المسك اللي ايي على شكل مكعبات .. تطحنينه و تذوبينه في الماي .. هو ماراح يذوب عدل اوكي .. ييبي قطنه و غمسيها في المحلول و امسحي المنطقة .. ولا تخافين .. هي طريقه آمنه و انشالله ماتسوي اي جفاف او التهابات .. وهي تراها سنه بعد

ثالث شي .. عن تعطير الشعر .. تقدرين تستخدمين المسك السائل ... ومادري لو يشيب الشعر ولا لأ.. الصراحه ماعندي خبره وايد عن تعطير الشعر ..
اللي اسويه .. استخدم شامبو في ريحه حلوه .. مثل دوف .. بيرت بلاس .. هربل اسسينسز ..
بعدين ارش شويه عطر على فرشاه الشعر .. و امشط شعري .. ساعات امسح ايدي بمسك و اخلخل اصابعي بشعري ..


هذا اللي عندي ...

بارك الله لكما وبارك عليكما وجمع بينكما في خير

أختي العطوووووور تعتمد على ذوقك الشخصي تماماً

لكن عني انا ما تعجبني روائح زهور الريف ولا البودي شوب الا فقط روائح الفواكه ..

وبالنسبة للغسولات إياك ثم إياك ثم إياك تستعملين شيء بلا أستشارة طبية
أنت مقبلة على شهر عسل ويمكن بعض الغسولا ت ماتناسبك وتسبب لك حساسية من مكوناتها او ماشابه لاسمح الله ..
أتصلي على طبيبتك وأسأليها ..

ويا اختي اهم شيء النظافة وتجفيف المنطقة بأستمرار ..

الشعر

أي نوع عطر يعجبك ..
او دهن عود فاخر

او مخلطات اذا تحبينها

وبالتوفيق يارب

هلا والله بعروستنا الحلوة..
اول شي مبرووووك عليج وانشالله تشوفين الخير والسعادة مع عريسج والله يوفقكم..

بالنسبة لاسئلتج بجاوبج عن الاشياء اللي اعرفها لاني متملكة ومالي خبرة بأمور العروسات::::

اول شي بالنسبة للغسول اللي اعرفه انه افضل غسول للمنطقة اسمه gaia وممكن تشوفين هالرابط يمكن يفيدج والصراحة انا ماجربت اي نوع من قبل

http://forum.hawaaworld.com/showthread.php?t=297025

اما عن تعطير المنطقة انا قريت عن المسك وقلت بجربه (حق المستقبل:D) عشان جذي جربت كل انواع المسك وفي منهم كان يسببلي حرقة فالمنطقة..
بس اخر شي جربت المسك الابيض من عبد الصمد القرشي الصراحة ريحته غير عن كل انواع المسك وهو يكون سائل ثقيل لونه ابيض وصدقيني ريحته بتم فملابسج الداخلية حتى بعد ماتغسلينها..جربيه وماراح تندمين ...وحطي المسك كل يوم لمدة ثلاثة ايام من اول يوم تغسلين فيه عقب الدورة فالمنطقة من داخل لانه له فوايد حق المتزوجة وهذي وصية من رسولنا الاكرم عليه الصلاة والسلام...

وهالمسك نفسه حطي شويه فيدج وامسحي فيه شعرج بعد الاستشوار او وهو مبلول وعقب بخري شعرج باي نوع بخور وبتم الريحة فيه احسن من انج تحطين مواد كيميائية على شعرج وانا مجربة هالشي...

وبعطيج نصيحة مني (هدية الزواج) اشتري من جونسون زيت جل للاطفال بالزهور المنعشة ولونه يكون برتقالي ومكتوب عليه انه يحفظ الترطيب عشر مرات اكثر من اي زيت..وعقب ماتتروشين لفي شعرج بمنشفة وارفعيه على فوق بعدين اخذي شوي من الزيت ووزعيه على اكتافج وكرري هالشي لين ماتتدهنين جسمج كله بس لاتحطين وايد (الجسم بيكون مبللول يعني لاتحطين المنشفة) بعد ماتكملين من دهن جسمج نشفي الزايد منه (مرري المنشفة بنعومة على جسمج عشان ماتشيلين الزيت كامل) وبتحسين بنعومة وريحة واااااايد حلوة...

هذا كل اللي عندي حاليا وانشالله اكون افدتج واسفة اذا طولت عليج بس حبيت اقول كل اللي عندي :)

كيف تحطون مسك في الننطه هذي مايسبب التهابات؟

هلا أختي رمال...

بجاوب على أسئلتك واحد واحد...

روايح بودي شوب و زهور الريف صراحة مو حق شهر العسل !...جيبي لك شيء سنع..يعني...من شانيل و إلا ديور...شوفي أي عطر يعجبك...و مو لازم جديد...قيه عطور تجنن قديمة...بس كله يعتمد على ذوقك أولا و أخيرا...


و بالنسبة للغسول...

لازم أختي تعرفين إنه في بداية الزواج...أغلب البنات تجيهم التهابات...فممكن تستخدمين غسول خفيف من care free و إلا من vigisil ..و كلهم تلقينهم بالصيدليات و إلا السوبرماركت.....بس تدرين أنا وش سويت في شهر العسل ؟...أخذت معاي كيس فيه مرة و ملح خشن...طبعا كلهم مطحونين...و كل كم يوم أحط هذول و أذوبهم في مويه و أقعد فيهم..و الحمدلله ما جاتني التهابات و لا شيء...

وعلشان تعطير الشعر...فيه خمرية شعر جبتها من محل على طريق الملك فهد بالرياض..بس نسيت اسمه صراحة...بس تجنننننن من جد..و أنا جبت اسمها من البنات هنا...

و إذا ما تحبين الخمريات...شانيل ينزلون مع كل عطر تقريبا عطر خاص بالشعر...و أنا بين فترة و فترة أحط...

و الله يوفقك بزواجك إن شاء الله...