بحكيلكم قصة زوجة ابويه

من زمااااان قبل يمكن 15 سنه يوم كنا صغار ابوي اتزوج ع امي من جنسيه ثانيه عربيه .... ابوي وامي كان يحبون بعض لدرجه لازلت اتذكر كيف كان يمد لها اللقمه وياكلها بالرغم له فتره متزوجين مو عرسان بالرغم مخلفين 5 وقتها المهم قصه طويله ما راح ادخل ف تفاصيلها وكيف اتزوج وليش المهم انو صار اللي صار واتزوج ... وكالعاده طار ابويا مع عروسته وتعبت امي لفتره طويله .... بس اللي مستغربه منه ان الايه انعكست بدل ما تغار امي صارت الزوجه الثانيه وعيالها هم اللي يغارون وكانو احنا اللي اخذنا ابوهم والله تصرفاتهم غرييييبه 🤔.... الى يومنا هذا ... صح امي زعلت ف البدايه لكن الان ربط الله على قلبها واتعايشت مع الوضع .... زوجة الثانيه مافهمت تصرفاتها غير اليوم ... تدرون ليش .... اول ما جات امي رافضه تقابلها ... لكن فرضت نفسها ودخلت البيت وامي عشانها طيبه ما طردتها .... اتخيلو كانت تجي البيت وتطبخ ومرات ترسل هدايا .... تحسبونه حب والله مو حب كله عشان تدخل البيت وتشوف اللي فيه واللي مافي .... وكانت تسوي نفسها انا الطيبه واللي مافي مني ويوم ولدت والله محد عبرها واختها وهي اختها خلتها بالمستشفى ولاحتى زارتها وقامت بالواجب معاها ... واتخيلو بعد ما خلصت نفاس اتهمت امي انها ساحرتها وان امي ما دخلت بيتها الا عشان تسحرها مو تساعدها .... وكانت اذا شافت امي بالمجالس تسلم ع كل الحاضرين الا امي تتجاهلها متخيلين وقاحه اكثر من كذا ... وكانت ف الاجازات الصيفيه ترسل عيالها صغار عندنا وتروح تسهر للفجر ف الزواجات واحنا اللي نهتم باطفالها ... ونرحمهم صغار فين نطردهم اخر الليل .. طبعا هي ما كانت تستاذن ... نشوف عيالها والا هم طابين البيت علينا فجأه ..... وكل مره تختلق المشاكل وتراقب ابويه وتحاسبه متى يجي ومتى يطلع من عندنا هذا غير الاتصالات .... واذا تقابلنا بمجلس تجلس تتكلم كيف ان ابويه يحب اكثر ولا يصبر على زعلها .... وهذا كله وامي ساااااكته ومتجاهله ولا ترد عليها بكلمه وحده .... لكن سبحان الله الحسد والغيره اكلتها واكلت قلبها .... لانها مو مستقره ودايم مشاكل مع ابويه بسبب غيرتها واطلقت مرتين .... واللي خلاني اكتب الموضوع ف فتره من فترات طلاقها رمت عيالها عندنا وكالعاده استقبلتهم امي .... لكن لاحظت ف قلوبهم كره وحسد والله انصدمت ربت عيالها على كرهنا ... وكاننا اعداء لهم مو اخوان والله انصدمت من تصرفاتهم هم الان كبرو عن قبل .... وبالرغم انا ما نقصر عليهم هم اخوانا الصغار نجيب لهم هدايا واذا سافرنا او طلعنا نتمشى ناخذهم معانا لكن فيهم حسسسد وكره فضييييع .... انا انصدمت وشبت المشاكل ف بيتنا الفتره ذيك بسببهم وابوي يحبهم اكثر ويسمع منهم تحريشهم وحتى لو كانو كاذبين ... وطلبنا منه يرجع امهم ويطلعون من بيتنا .... انا رضينا بقدرنا ورضينا فيهم بس هم مو راضين وكانو احنا اللي اخذنا ابوهم😢