بحمدالله ولدت طبيعي بس حبيت انبهكم من السونار

مرحبا اخواتي كيفكم سبحان الله العظيم القادر على كل شي له الحمد والشكر من يصدق والحمد لله بنفس اليوم هذا يوم الاحد اللي طاف كنت منزلة موضوع اشكي لكم من دكتورتي اللي عطتني محاضرة طويلة عن زيادة وزني مع انها كلها مو زيادة وزن كانت انتفاخ واحتباس سوائل بجسمي مجموع هالزيادة حوالي 12 كيلو وهبت فيني قالت لازم قبل الاسبوع الجاي تولدين والا بنولدك قيصري لان الجنين حجمو كبير وعلى اسبوع بيزيد وزنة مع زيادة وزنك وماراح تقدرين تولدين طبيعي طبعا هي كانت تتكلم حسب كلام السونار اللي كان يقول اني بالاسبوع 38 مع اني حاسبة للعمري بالضبط يعني كنت بالاسبوع 36 بس قلت يمكن السونار ابخص:( :( وكان مطلع لي وزن الجنين حوالي 3كيلو الا شويه:(
المهم غيرت الدكورة ورحت للوحدة ثانية وبرضو سوت لي سونار وقالت لي نفس الحكي:icon33:
قمت وشديت حيلي وحطيت حرتي بالمشي الاثنين والثلاثاء والاربعاء ساعتين يوميا وشربت قرفة بس ماحسيت بشي وبعد صلاة العشاء يوم الاربعاء قالت لي وحدة الله يجزاها بالجنة ان شالله اذا تبن ولادة سريعة وميسرة ان شالله عليك بشرب الزنجبيل مع الزعفران وهي بس ست ساعات وتولدين طبيعي الصراحة ماصدقتها بس قلت بجرب وفعلا شربتها وصرت امشي وعلى الساعة 11 بليل سبحان الله انفجر الكيس ونزلت علي الموية>>>> بغت تموت من الروعة يوم صار الموضوع جد:42:
وتبدى الطلوق واروح للمستشفى على على 11 ونصف وتكشف علي الدكتورة وقالت يالله على غرفة الولادة الرحم مفتوح 5سم :icon33: وتجيني ذيك الروعة اللي خضت بطني خض للدرجة انهم بيكشفون علي مرة ثانية بيشوفون كم فتح بغرفة الولادة عجزو من النفاضة اللي بجسمي روعة والم شديد تقولي الدكتورة انتي بردانة اقولها لا اخر شي قلت عطوني بطانية وسبحان الله مع الروعة الشديدة برد الطلق وماعاد انفتح الرحم زيادة فعطوني طلق صناعي والطلق الصناعي للي مايعرفة عبارة عن خط 600 فولت ينفضك نفض تحرمين وقتها انك بتحملين مرة ثانية واصلا وشولة طبيعي يازين القيصري:42: قلت لهم سوو لي عملية وريحوني قالت خلاص بتولدين والحمدلله على الساعة 3 الفجر جبت احلى عبودي على قلبي
والحمدلله تعتبر ولادتي بفضل الله وعلى اني بكرية ميسرة مقارنة بغيري اللي يجلسون ساعات وايام والفضل يعود لله طبعا ومن وثم المشي وشرب الزنجبيل مع الزعفران اللي عن جد جابها

زبدة الموضوع يوم كشف علي الدكتور تخيلو وش قال قال لي انتي والدة بدري لسة عمر حملك 36 اسبوع يعني ماطلع حكي السونار صدق والمصيبة اللي ضيقت صدري وجعلي ان شالله ماحاسب علية طلع وزن ولدي 2 كيلو 200 جرام يعني صغير لسة ماطلع على قولة السونار 3 كيلو طبعا على طول من نزل من بطني حطوة بالحضانة لان رئتة ماكتملت وطلعت من المستشفى وهوجلس عندهم واليوم الاحد رد موعدي اللي طاف وودي اروح للدكتورة حقتي واطب ببطنها هي وسونارها اللي خلاني استعجل بولادتي وانا لسة

عموما الحمدلله على قضاء الرحمن والشكر لله
وادري طولت عليكم بس حبيت انبهكم السونار حساباتها مو ثقة مية بالمية وخصوصا ناحية الوزن يزود زيادة
سرقت من وقتي شوي وحبيت اخبركم عن ولادتي اسال الله ان يسهل على الجميع ولادتهم وان يكرمكم الله بتمام الحمل