اليوم جايبه لكم طبختين الاولى اليوم سويتها على الغداء
والثانيه سويتها من إسبوع وصورتها وما كان عندي وقت أنزلها << يعني أكله بايته
عشان كذا قلت بأخليها هديه مجانيه :icon28:
نبدأ على بركة الله
نقطع البصل والثوم ونشوحه على النار شوي
ونضيف الدجاج عليها
طبعاً من غير جلد
وياليت لو مقطع صغير يكون أفضل
ونقلبه شويه إلين يتشرب المويه
بعدين نضيف الخضار المقطعه صغيرات أي خضار تحبيها
بصراحه أنا ماعاد أضيف خضار لأن العائله الكريمه تنقي البطاطس والدجاج وتترك الخضار
وحرام تنرمي في الزباله الله يكرمكم
فقلت آخذها من قاصرها ولا أضيف خضار
ونقلبها كلها مع بعض إللين تتسبك شويه
ونزيدها مويه ونخليها على النار إللين تستوي
ونروح للبطاطس هيه في الاساس نسلقها ونهرسها للي تحب
بس ما أحب أسلقها و فكرت لو أسويها بالبطاطس الجاهزه
وهذي صورتها
7
7
7
نقليهاوننشفها من الزيت زين ونهرسها بالشوكه
ونضيف خلطة الدجاج والخضار لها ونقلبها ونحطها في الصينيه
ونحفر فيها حفره في الوسط
نفقع فيها بيضتين ثلاثه على حسب الحفره وحجم الصينيه
وأبشركم المره هذي إشترينا جبنه كرافت :icon28:
نبشرها وننثرها على الوجه
ونغلفها بالقصدير عشان تتركز الحراره ويستوي البيض بشكل أسرع
ونولع الفرن درجه وسط من تحت فقط
وإذا شوفنا البيض إستوى ثلاثة أرباعه نشيل القصدير ونولع الفرن من فوق فقط
نخليها شوي إللين تذوب الجبنه ونطفي الفرن وتصير جاهزه للتقديم
مع إني أضفت الخضار يطلع شكلها يهبل وكأنها منتجع وفيه بحيره فعلاً
وبتاكلونها بالملعقه أو بالرز الابيض براحتكم
وهذا شكلها النهائي
أتمنى تعجبكم
وهي طريقة المندي مدري الندي الموهيم حاجه آخرها دي
طريقته وكأنك جايبته من المطعم
على بركة الله نبدأ
نقطع بصل فقط هاه مو تروحون وتحطون ثوم ونشوحه على النار
ونضيف الدجاجه بتخلينها بجلده براحتك
وتقلبينهم شويه وتضيفين هيل ماتكثرين
ونضيف المويه ونخليها تنسلق
نروح نحط الزعفران في فنجان ونضيف عليه مويه حااااااره
ونخليه على جنب
ونحط فحمه صغيرونه على النار << فحم طبيعي
وبعد ماتستوي الدجاجه نشيلها ونضربها بويه من الزعفران ونحمرها في الفرن
ونصفي المويه حقتها من الهيل والبصل
ونرجع المويه في القدر ونضيف الرز المغسووووووول والمنقووووووع
ونتركه على نار هاديه إللين يستوي
وإذا إستوى نحفر فيه حفرتين صغيرونه بطرف الملعقه الخشب
ونحاول نكب فيها الزعفران بعد ما نصفيه
ونجيب طاسه صغيرونه ونحط فيها زيت إللين نصها ما نمليها
ونجيب الفحمه ونحطها في الزيت وبسرعه نصك القدر بإحكام
لمن نجي نفرغ القدر بيكون الرز ماهو ملخبط الالوان حقته إحنا نقلبها بتروي
وهذا شكلها النهائي
مسكينه الدجاجه حقتي مهريه مرررره <<أحبها كذا
إن شاء الله تعجبكم
وإعذروني على الصور إذا ما طلعت
أو إذا ماهي واضحه
كل من إستفادت من موضوعي تكتب التكبير لله
وياليت لو ماتنسخونها