وشلونكم يا ببنات يا حلوات يا شمطاوات >>>هعععععع..!
مو صح شقيتوا الجيوب ولطمتوا الخدود إثر غيابي .. ادري ادري يا بعد حيي كلكم بس ترى حرام شق الجيوب واللطم لانه من السخط على قضاء اله وقدره >>>هع هع هااااااااع !!
والله عارفة اني قصرت معكم بس والله كانت عندي ظروف صعبة حبتين زي ما تقولوا ..
بسرعة بسرعة لاني مستعجلة ..
من زمااان حابةاكتب لكم عن هالموضوع بس والله كل ما جيت ابكتبه انشغل ..
المهم ..
مثل ما قريتوا من العنوان موضوعي اليوم عن نفخ الخدود ..
طبعا ال مو عارفة شنو قصدي بتفخ الخدود اللي هو يعني يخلي وجهك مليان شوي ونضر مثل هالممثلات الخايسات اللي نشوفهم هاليومين واقربهم نانسي عجرم ..
ترى الخدود مررة مهمة يعي ل تستهيني بنفسج وتقولين لا ما يحتجلي خدود تر الخدود تفرق اوحدة 180درجة واسالو مجرب ..
يعني ساعات تجيك الوحدة ملامحها حلوة بس وجهها ممصوص فالناس ما يشوفوها حلوة :mad:.. بس تعالي شوفيها اذا سمنت شوي .. وحدددةثاانية اية في الجمال .. وكذا وحدة انا لاحظتها .. واكيد انتو شفتو مثل هذي النماذج صح؟
واحيانا تكون البنت ضعية عصصللللة بس وجهها مليان وهذا يكفي انه ينضرب فيها المثل بجسمها هعععع
.
المهم ..
.
انا قريت من زماان زمااان وحدة كانت حاطة موضوع عن كرم لوريال العصار بالكولاجين .. وكانت تقول انه تفخ وجهها ..
انا ما انتبهت لاني حزتها ما كنت مهتمة بهالشي ومو جاي على بالي ..
.
بس بعدين لم انتبهت على هالشي .. وشفته بكارفور قمت وشريته وانا في قلبي حاسة انه ماراح ينفع يعني نتيجة بسيطةعلى اكبر تقدير .. شريته انا وخاتي ب 3 دنانير وشوي يعني تقريبا ..اممم.. 36 ريال يمكن .. وللمعلومية لبنات الكويت ترى اهوا ارخص شي بكارفور برا تلاقينه بخمس دنانير الا شوي ..
انا وخالتي شريناه مع بعض وكان في واحد ثاني اكبر منه بشوي معاه حماية للنهار واغلى بشوي .. بس انا اشتريت العصار لانه اهو الي شفته بالمنتدى.. وما كنت حابة اجازف خصوصا اني مرتاحة على كريم حماية وموابة اغيره ..
المهم ..
كنت احطه على خدودي وشفايفي وحول فمي ..
وكاااااان شي خيااال ..
والله يا بنات انه خلال اسبوع لاااحظت الفرق ومو بس انا الكلل عباله ني سمنانة ..
كنت احطه مرة يوميا ..
اما خالتي فتركتة وما استعملته .. ويوم قرب عرس اهلنا .. وما باقي عليه الا اسبوعين يمكن قامت تحطه يمكن اربع مرات باليو تقول كل ما طاااحت عييني عليييه حطيت ..
والنتيجة كانت دبل .. يعني اختصرت وكانت احسن مني ..
.
هذي شغله .
استعملت شغلة ثانية مع الكريم الاول ..
والله شييييييييييييي فظيييييييييع ما كنت متوقعة ابدد اني راح اوصل لهالنتييييجة ..
شيي عجيييب .. كاني طاقةالبوتكس والكولاجييين خيالي خيالي لابعددد حدد ..
.
سيرم من بايوت لون شفاف .. وداخله سائل لزج احمر شفاف .. ينضغط من فوق سعره غالي شوي بس والله يستااااهل 14 دينار ..يعني عندكم 100 ريال وشوي ..
سوري الصور مو واضحة شوي .. لانه من كامرة تلفوني سامسونج زفتتت الي حابة تشتري تلفون تبعععععدددد عن سامسونج لانه زفتتتت والله ..
.
هعع وين طرنا عالتلفونات .. نأسف للازعاج ..
نعود لمحور حديثنا ..
.
هذا السيرم خ ي ا ل ي .. جد جد والله فلللتته هذا التفخ ولا بلاش ..
قريت عنه بمنتديات كويتيات كانت تتكلم عنه وحدة اسمها بدوية ستايل جزااااها الله الفففف خير. تقول انه طريقته انه يحبس الماء في المكان اللي بينتفخ .. لا لا لا تخافون .. راحت اسالت عنه دكتور مادري شسمه والله نسيت جابر العلي او علي الجابر نسيت بس امهم اهو مشهور عندنا ..
قاللها انه هذي طريقة علمية مفيدة وما منها اييي ضرر على المدى القريب او الطويل ..
.
وقالت بعد معاه سيرم ثاني ..
اللي هو سيرم ريكسول الكولاجين .. وواااايد تمدحه .. ويبين مفعوله خلال 3 اشهر .. لكن مع سيرم بايوت صار اقل المدة ..
انا استخدمته فترة وما عجبني سعره 9دنانير يعني 100 ريال تقريبا ..
بس .. امي استخدمته وووواااايد عجبها وتمدحهه حيل وتقول نه نفع معاها ..
فالظاهر ..انه يختلف من وحدة لوحدة ..
.
نجي للطريقة الي لو ما نفذتوها بحذافيرها ماراح توصلو للنتيجة اللي تبرد قلبكم ..
.
بالليل قبل النوم .. واول ما تقومين من النوم ..
.
قوي غسلي وجهج بصابونتج .. ثم خذي سنفرة ناعمة خاصة باوجه مووو اي سنفرة .. مثلا سنفرة المشمش هذيك اللي لونها ابيض عصار السويسرية ماركتها St.vi... مادري شنو نسيت اسمها .. المهم انها تكون مخصصة للوجه وناعمة يعني مو خشنه ..
ودلكي وجهج بالسنفرة .. ثم اغسليه ..
بعدين ..
نشفيه شوي شوي بطريقة لطبطبة عالخفيف مو بدفاااشة او عنف .. ترى بشرة اوجه حسااسة ..
بعدين ..
حطي سيرم فيتامين سي او اي ..ال من ريكسول بعد .. وهذي الخطوة مو مهمة .. لكن فيتامين سي يحفز الخلايا على انه يمتص الكريم ويستفيد منه ..
بعدين حطي كريم لوريال اذا كنتي بالنهار واذا بتطلعين لشمس حطي اكريم وخليه ينشف وفوقه حطي كريم حماية ضد الشمس بعد ما ينشف سيرم الفيتامين .. وحطيه متى ما بغيتي طول النهار ..
واذا كنتي بتنامين نفس الخطوات السنفرة والغسيل .. بس حطيه سيرم بايوت ..
طبعا تحطونهم على الشفايف والخدود والذقن والجبهة ان كان فيها خطوط وتجاعيد .. وحوالين الفم اذا كان في تجاعيد خصوصا لمن تضحكين تطلع خطوط طويييله ..
واياااااك تحطينه عالخشم .. ديريييي باالك ترى بيتفخة لج .. يصير وعععع
.
.
سامحوني ماراح اقدر ارد علىل اسالتكم ويمكن ما ارد ابدا .. لانهامتحاناتي النهائية بدت بدا وقت الجد . انا يالله بالمووت الحمر فتحت الابتوب وكتبت الموضوع ..
والله وانا اكتب الموضوع اخوي الصغير يرفس ويصيح وانا اعطيه رضعته جنني .:44:
.
طبعن اكيد في اخطاء املائية بس ماعليه حاولو تخمنو المعنى المقصود هععع ههه .. لانه الكيبورد منكب عليه بيرة من امس ومامداني اوديها لعند المحل :icon33:.. فكتخربطة الحروف .. انا حاولت اصلح بعض الاخطاااء والبااقي علييكم ..
.
والسموحة اذا قصرت بشي ..
ادعولي بامتحانتي .. ترى صايرة كسلانة :icon33: خخخخ ..!!
