هالبخاري اخذت طريقته من المنتدى مع بعض التعديلات
ما اذكر لمين بالضبط اعتقد عزيزة
الكمية تكفي لشخصين
المقادير:
3 بصل احمر
1 فلفل بارد
2 كوب ارز
دجاجة متوسطة (900غم)
بهارات منوعة (بزار بحريني مخلوط+خلطة الكاري+حب خردل+سنوت+فلفل اسود....الخ)
صلصة طماطم
مكعب ماجي
خلطة الدجاج:
(خل+صويا صوص+مايويز بالفلفل+ليمون+ثوم+شويةعسل+ملح+سمن او زبدة)
الطريقة:
نحمس البصل مع الفلفل البارد لحد ما يصير لونه ذهبي
نحط البهارات ونقلبها على بعض
نقطع الدجاج نصفين من النص وننشفه من الماي
نحط الدجاج على البصل ونقبله على الجهتين
فهالوقت نسخن كوبين ماي مع الصلصة وماجي والملح
بعد ما يتغير لون الدجاج نصب عليه الخلطة عالدجاج
بعد ما يغلي شوي نرفع الدجاج
نحطه على الصينية مع خلطة الدجاج وشوي من المرق وندخله الفرن ونشغل الشواية
نحط الأرز على نار قوية وبعدين نخففها عالاخر
ونخليه يستوي عالكيف وقبل التقديم بعشر دقايق حطي فنجان داخله زيتعلى الرز وفوقه جمره مولعة
وسكري عالقدر بسرعة
وبالهنا على ألبكم