بخبركم سالفتي وأريد منكم الحل بس الكل يشارك

السلام عليكم ورحمة الله وبركاته 
انا ساكنه فبيت اهل زوجي ومعاهم شغاله تغسل وتكوي وتطبخ لنا كلنا طبعا ام زوجي مستحيل تعطي ببلاش فاكيد ان زوجي يساهم فراتب الشغاله دام انها تغسل ملابسي وتطبخ لنا اكل.. طبعا هي ما تطبخ الي نشتهيه انا وعيالي بس هي تطبخ للي تأمره بها ام زوجي والحمدلله على كل حال.. احيانا ناكل اشيا لذيذه واحيانا اشيا عاديه ولكن الحمدلله.. ولما جبت عيال وصار عندي وظيفه قررت اني اجيب شغاله لي. تنظف لي الغرفه وتغسل ملابسي وملابس زوجي وعيالي وتمسك عيالي لما اروح دوام طبعا انا عندي2 صغار.. طبعا زوجي مؤ مقصر فاغراض البيت ومقاضي واغراض العيال. لكنه قال لي بما انج موظفه فخلاص ما في مصروف لج، باول كانت تصير بيننا مشاكل على هذا السبب وانا اقوله هذا حقي وحتى لو انا غنيه هذا واجبك تعطيني مصروف. قال انتي موظفه وصرفي على نفسج وعلي اكلج. وفلوسي لاغراض العيال.. كم شهر ويصير بيننا خلاف وأزعل عليه وهو عادي ومصر على قراره المهم انا خلاص تنازلت عن مصروفي بما انه مايقصر فاغراض البيت والعيال .. المهم انا سالفتي اني جبت شغاله وتشاركنا انا وزوحي فيها.. اما بالنسبه الراتب فقال لي زوجي ماراح يعطيها فلس.. وقال شغالتج وانتي دفعي او سفريها.. وانا بصراحه وايد ارتحت من جأت الشغاله.. كنت اتعب كثير ومحد يساعدني. حتى الحمام ما اقدر ادخله بوجود عيالي يصيحو.. السالفه ان شغاله بيت اهل زوجي تريد تسافر تزور اهلها. وأم زوجي قالت لشغالتي انتي راح تنظفي غرفنا وحمامنا. قالت شغالتي أنا انظف غرفه المدام يوميا. قالت لها ام زوجي لا تنظفيه كل يوم.. استغربت انها تريد تتحكم فشغالتي وانا ادفع راتبها وزوجي صحيح دفع معي نص بنص عشان نجيبها لكن راتبها مستحيل يدفعه وهو قائل ماراح يدفع لها فلس. والحين رواتبهم عاليه خاصه من الجنسيات الفلبينيات. وانا في الويكند اروح بيت اهلي واسهر معهم وشغالتي معي.. مدري شو بتقرر ام زوجي بالنسبه لأخذ شغالتي معي بين اهلي في الويكند ابتدأ من غداً لان شغالتهم راح تسافر.. وزوجي طبعا من النوع ضعيف الشخصيه خاصه جدام امه.. شو رايكم بنات؟ ومن معه الحق؟
وشو اسوي في مثل هذي الحاله لما ام زوجي بتتحكم فشغالتي.!!
اعطوني نصائحكم بنات واسفه طولت عليكم وايد..